پەرلەمان لیژنەیەكی لێكۆڵینەوە لەسەر ڕووخانی تاقیگەی نیشتمانی لەكەررادە پێكدێنێت
سیاسی
- 5-10-2022, 17:51
بەغداد - INA
كۆبوونەوەیەكی هاوبەشی ئەنجومەنی نوێنەران - حكومەت بۆ گفتوگۆكردن لەسەر كاردانەوەكانی ڕوخانی بیناكەی كەڕادە ئەمرۆ چوارشەممە بەرێوەچوو، هەروەها كۆبونەوەكە پێشنیازی پێكهێنانی لیژنەیەكی لێكۆڵینەوەی كرد سەبارەت بەڕووداوەكەو خستنەڕووی ئەنجامی لێكۆڵینەوەكان لەدانیشتنێكی پەرلەمانی گشتیدا.
نووسینگەی ڕاگەیاندنی جێگری یەكەمی سەرۆكی ئەنجومەنی نوێنەران لە بەیاننامەیەكدا كە کۆپیەکی دەست ئاژانسی هەواڵی عێراقی كەوتووە، دەڵێت: جێگری یەكەمی سەرۆكی ئەنجومەنی نوێنەران موحسین مەندەلاوی ئەمڕۆ سەرپەرشتی كۆبوونەوەیەكی هاوبەشی ژمارەیەك لەلیژنەكانی پەرلەمانی كرد كە لەلایەن خزمەتگوزاری و ئاوەدانكردنەوە و نەزاهە و وەبەرهێنانەوە نوێنەرایەتی دەكران.
ئاشكراشیكرد: لەكۆبوونەوەكەدا سكرتێری بەغداو سەرۆكی دەستەی وەبەرهێنانی بەغداو نوێنەرانی وەزارەتی تەندروستی و شارەوانیی كەڕادە میوانداریكران، بۆ گفتوگۆكردن لەبارەی دووبارە كەوتنی بینای تاقیگەی نیشتمانی لەكەررادە كەژمارەیەك لەهاوولاتیانی تیایدا بونە قوربانی.
بەپێی راگەیەندراوەكە، مەندەلاوی داوای خێراكردنی قەرەبووكردنەوەی قوربانیانی ڕووخانی بینای تاقیگەی نیشتمانی لەكەررادە كردووە و بەدواداچوونی بارودۆخی بریندارەكان دەكات و بەزووترین كات سەرجەمی پێش گریمانەكان دەخاتە بەردەم دەسەڵاتی دادوەری، هەروەها ستایشی ئەو هەوڵە مەزنەی كرد كە لەلایەن پاڵەوانەكانی بەرگری شارستانی و پشتیوانی حەشدی شەعبی و شارەوانی و باقی لایەنە پەیوەندیدارەكانەوە كراوە.
تەئكیدیكدەوە: كە ئامانجی ئەم كۆبوونەوەیە دەستنیشانكردنی هۆكاری ڕووداوی تراژیدی و ئاشكراكردنی پێش گریمانەكان و گفتوگۆكردنە لەسەر ڕێگاكانی دۆزینەوەی میكانیزمی گونجاوی یاسادانان و سەرپەرشتیاری بۆ توندكردنی وردەكارییەكانی ئەو مۆڵەتە بینایانەی كەپێدراون و كۆنتڕۆڵكردنی بیناكان و لیژنەكانی پشكنینی ئەندازیاری.
