ئاسایشی نیشتمانی دەستگیركردنی "12 تیرۆرستی لە كەركوك وموسڵ راگەیاند
ئەمنی
- 29-09-2022, 18:36
بەغدا -INA
دەزگای ئاسایشی نیشتمانی عێراق رایگەیاند، لەهەردو پارێزگای كەركوك و نەینەوا لەچەند ئۆپەراسیۆنێكی تایبەتدا هێزەكانیان 12 چەكداری سەر بەداعشیان دەستگیركرد.
دەزگای ئاسایشی نیشتمانی لەڕاگەیەندراوێكدا كە كۆپیەكی دەستی ئاژانسی هەواڵی عێراقی كەوت تێیدا هاتووە، بە پشت بەستن بە زانیاری دروستی هەواڵگری، تیمەكانی دەزگای ئاسایشی نیشتمانی لە كەركوك توانیان ئۆپەراسیۆنێكی تایبەت لە ناوچە جیاكانی پارێزگاكە ئەنجامبدەن، لەئەنجامدا حەوت تیرۆریستی سەر بە چەكدارانی داعش دەستگیركران، كە لەلایەن دادگاوە بەپێی بڕگەكانی 4ی تیرۆر داواكراو بون.
ئاماژەی بەوەشكردوە، "لەلایەكی دیكەشەوە مەفرەزەكانی ئاسایشی نیشتمانی لە پارێزگای نەینەوا بە هەوڵێكی تایبەتی هەواڵگری توانیان پێنج تیرۆریست لە چەكدارانی داعش لە ناوچە جیاكراوەكانی پارێزگای نەینەوا دەستگیربكەن، لەنێویاندا سەركردەیەكی دیار هەیە كە لە مەشق و ڕاهێنانی شانە تیرۆرستیەكان كاریكردوە.
باسی لەوەشكردوە، سەرجەم تۆمەتبارەكان رەوانەی دادگا كراون، بەمەبەستی گرتنەبەری رێكارە یاساییەكان بەرامبەریان.
