تەندروستی ڕێگە بە ژەمی چوارەم دەدات و چینێكی نوێ ڤاكسینی كۆرۆنا دەیگرێتەوە
ناوخۆ
- 28-09-2022, 13:02
بەغداد - INA
وەزارەتی تەندروستی ئەمرۆ چوارشەممە ڕایگەیاند: لە 5 ساڵ و بەرەو سەرەوە ڤاكسینی كۆرانا دەیانگرێتەوە، و ئاشكراشیكرد: ڕێگە بە پێدانی ژەمی چوارەمی ڤاكسینەكە دەدرێت بە هەموو گروپەكان.
وەزارەتەكە لە نوسراوێكدا بۆ سەرجەمی فەرمانگە تەندروستییەكانی عێراق و وەزارەتی تەندروستی هەرێمی كوردستان، كە دەست ئاژانسی هەواڵی عێراقی كەوتووە، دەڵێت: وەزیری تەندروستی ڕاسپاردەكانی لیژنەی ڕاوێژكاری زانستی پرۆگرامی فراوانكراوی بەرگری پەسەند كرد كە ئەمانەی خوارەوەی تێدایە:
1-بەشداریكردنی گروپی تەمەن (5-12 ساڵ) لە كوتانی ڤایرۆسی كۆرنا.
2- وەرگرتنی ژەمی چوارەم لە ڤاكسینی فایزەر- بایۆنتك گرووپە مەترسبۆییەكان و بە ئارەزوومەندانە بۆ باقی گروپەكان بۆ شەش مانگ دوای دوا دەرمانی كوتانی كۆرنا ڤایرۆس.
