دەستەی گشتی گومرگ دەستبەسەرداگرتنی 12 بارهەڵگر بەهۆی سەرپێچیکردن لە ڕێساکان ڕاگەیاند
ناوخۆ
- 26-09-2022, 12:12
بەغداد/ INA
ئەمڕۆ دووشەممە، دەستەی گشتی گومرگ دەستبەسەرداگرتنی 12 بارهەڵگری بەهۆی سەرپێچی و پێشێلکردنی مەرج و رێماییەکان راگەیاند.
لەبەیاننامەیەکی دەستەکەدا، کە بە ئاژانسی هەواڵی عێراقی (INA) کەیشتوە، ئاماژەی بەوەكردووە، "بەڕێوەبەرایەتی گومرگی ناوچەی باكور بەشی لێكۆڵینەوە و بەرەنگاربوونەوەی قاچاخ، توانیویەتی دەست بەسەر 12 بارهەڵگردا بگرن کە (ئامێری جل شۆری كارەبایی و پارچەی تاقیگە و کەل و پەلی كارەبایی و بەشە خۆراک و ئامێری سارد کەرەوە و کاربۆناتی کالیسیۆم) ھەڵگرتبوو دوور لە مەرج و رێسا کارپێکراوەکان.
بەیاننامەکە ئاماژە بەوەشکردوە " کە هەموو رێوشوێنێکی پێویست بەرامبەر بە سەرپێچیکاران گیراوەتەبەر.
بەیاننامەکە روونیشیکردۆتەوە کە پرۆسەی دەستبەسەرداگرتنەکە بە هاوکاری لەگەڵ پۆلیسی گومرگ و دەزگا ئەمنییەکانی دیکەی پاڵپشت ئەنجامدراوە.
