ئەعرەجی و باڵیۆزی میسر لەبارەی هاوكاری لەبواری تیرۆردا گفتووگۆ دەكەن

ئەمنی

21-09-2022, 16:59

+A -A

بەغداد - INA
ڕاوێژكاری ئاسایشی نیشتمانی قاسم ئەعرەجی ئەمرۆ چوارشەممە، لەگەڵ وەلید محەمەد ئیسماعیل باڵیۆزی میسر گفتوگۆیكرد و لەبارەی هەماهەنگی نێوان بەغداو قاهیرە لەبواری بەرەنگاربوونەوەی تیرۆردا.
نووسینگەی ڕاگەیاندنی ڕاوێژكاری ئاسایشی نیشتمانی لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: ئەعرەجی ڕۆژی چوارشەممە لە ئۆفیسی خۆی پێشوازیكرد لە وەلید محەمەد ئیسماعیل باڵیۆزی میسر لە بەغدا و دوا پێشهاتەكانی بارودۆخی سیاسی و ئەمنی ناوچەكەیان تاوتوێ كرد و هەروەها باس لە پتەوكردنی پەیوەندییەكانی نێوان هەردوو وڵات كرا.
بەپێی بەیاننامەكە لە كۆبوونەوەكەدا باس لە دیمەنەكانی هاوكاری نێوان بەغدا و قاهیرە بەتایبەتی لە بواری تیرۆر و ئاڵوگۆڕی زانیاری كراوە.