هەولێر.. سازکردنی كۆنفرانسیێک سەبارەت بە دۆزینەوەی چارەسەری بۆ لافاوەکان

هەولێرـINA
ئه‌مرۆ یه‌كشه‌ممه‌ 18_9_2022 دووه‌مین رۆژی کۆنفرانسی دۆزینەوەی چارەسەر بۆ لافاوی هەولێر لە هۆڵى سەعد عەبدوڵڵا به‌رێوه‌چو"
نووسینگەی ڕاگەیاندنی پارێزگاری هەولێر لەڕاگەیندراوێکدا کەکۆپیەک بۆ ئاژانسی هەواڵی عێراقی نلردووە ڕاگەیاند" ئه‌م كۆنفرانسه‌ لەژێر چاودێرى مەسرور بارزانى، سەرۆکى حکومەتى هەرێمى کوردستان، دوێنێ دەستی بەکارەکانی کرد.
  کۆنفرانسی دۆزینەوەی چارەسەر بۆ لافاوی هەولێر بە سەرپەرشتى پارێزگاى هەولێرو پارێزگاوه‌ ئاماده‌كاری بۆكرابوو. ئه‌وه‌ش دوای روودانی لافاوەکەی ساڵی رابردوو لەسەر فەرمانی سەرۆکی حکومەتی هەرێمی کوردستان چەند لیژنەیەک پێکهێنرا، بۆ ئەوەی لە هۆکارەکانی دروستبوونی لافاو بکۆڵڕێته‌وە و چارەسەری بابه‌تیانه‌ی ئه‌و فاكته‌رانه‌ بخرێتەڕوو، خاڵێکی فەرمانەکە بەستنی کۆنفرانسێک بوو بۆ دۆزینەوەی چارەسەری به‌رگرتن له‌ كه‌مكردنه‌وه‌ی زیانه‌كانی لافاو....
هەروەها لەبەشێکی دیکەی ڕاگەیندراوەکەدا هاتووە کە له‌ رۆژی دووه‌می كۆنفرانسه‌كه‌ هاوشێوه‌ی رۆژی یه‌كه‌م دوو توێژینه‌وه‌ی زانستی پێشكه‌شكران" كه‌ بریتی بوون له‌ رێکخستنه‌وه‌یی رێڕەوی سروشتی ئاو لە دەوروبەری هەولێر، هه‌روه‌ها کەمکردنەوەی کاریگەرییەکانی ئاوی سەر خاک لەکاتی بارانبارینی زۆر"دوای ته‌واو بوونی ته‌وه‌ره‌كانی ئه‌و توێژینه‌وانه"‌ له‌لایه‌ن ئاماده‌بووانه‌وه‌ چه‌ندین پرسیارو روونكردنه‌وه‌ خرانه‌ روو گه‌نگه‌شه‌ی زانستیانه‌یان له‌باره‌وه‌ كرا.
له‌ كۆتایی کۆنفرانسی دۆزینەوەی چارەسەر بۆ لافاوی هەولێر" بروانامه‌ی رێزلێنانمان به‌خشیە‌ به‌شدابووان و ئه‌وانه‌ی توێژینه‌وه‌یان ده‌رباره‌ی ته‌وه‌ری سه‌ره‌كی كۆنفرانسه‌كه‌ پێشكه‌شكردبوو. 
شایه‌نی وه‌بیرهێنانه‌وه‌یه‌ له‌م كۆنفرانسه‌دا چەندین پسپۆڕ و شارەزایانى تایبەت بەم پرسە و مامۆستایانى زانکۆ به‌ توێژینه‌وه‌ی زانستی به‌شدار بوون.