چوارچێوەی هەماهەنگی پێداگیری لەسەر بەردەوامی گفتوگۆکان لەچوارچێوەی دەستوور دەکاتەوە
سیاسی
- 12-09-2022, 19:56
بەغداد/ INA
ئەمڕۆ دووشەممە، چوارچێوەی هەماهەنگی پابەندبوونی بە بەردەوامی دیالۆگی ،لەگەڵ هەموو لایەنە سیاسیەکان بۆ چەسپاندنی مافە دەستوورییەکان دووپاتکردەوە.
چوارچێوەی ھەماھەنگی لە بەیاننامەیەكدا كە دەست ئاژانسی هەواڵی عێراقی (INA) كەوتووە ، پێزانینی خۆی بۆ هەڵوێستی نیشتمانی و دەستووری هاوپەیمانی سەروەری و پارتی دیموكراتی كوردستان ڕادەگەیەنێت دوای كۆبوونەوەیان لە هەولێر، كە تیایدا هەردوو حزبەكە ڕایانگەیاند" پابەندبوونیان بە بژاردەی دەستووری لە ئەنجامدانی هەڵبژاردنی پێشوەختە دوای دروستکردنی کەشوهەوای گونجاو ،لە ژێر چاودێری حکومەتێکی تەواو کە دەستەڵات و دامەزراوە دەستوورییەکان بپارێزێت.
بەیاننامەکەی چوارچێوەی ھەماھەنگی جەختیشی كردەوە، "لە بەردەوامبوونی دیالۆگ لەگەڵ هەموو لایەنەكان بۆ جێبەجێكردنی پابەندبوونە دەستوورییەكان،و گەڕانەوەی دامودەزگاكان بۆ ئەنجامدانی ئەركەكانیان، و پێكهێنانی حكومەتێك بە دەسەڵاتی تەواو، بە مەبەستی رزگاركردنی وڵات لە قەیرانی زیاتر.
ھەروەک جەختیشی كردەوە كە چوارچێوەی ھەماھەنگی هەموو هەوڵێک دەدات بۆ خێراکردنی دروستکردنی هەلومەرجی گونجاو و دڵنیابوون لە بەشداریکردنی هەمووان.
