یاروڵڵا لەگەڵ فەرماندەی ھێزەکانی ناتۆ لەعێراق پەرەپێدانی تواناکانی سوپا تاوتوێ دەکات
ئەمنی
- 12-09-2022, 10:28
بەغداد/ INA
ئەمڕۆ دووشەممە ، لیو روکن "عەبدولئەمیر ڕەشید یاروڵڵا" سەرۆک ئەرکانی سوپا لەگەڵ جەنەراڵ"جیوڤانی م. ئینوتشی " فەرماندەی گشتی نوێنەرایەتی ناتۆ لە عێراق پەرەپێدانی تواناکانی سوپای عێراق تاوتوێکرد.
نوسینگەی راگەیاندنی سەرۆكی ئەركانی سوپای عێراق لە بەیاننامەیەکدا كە بە ئاژانسی هەواڵی عێراقی (INA) گەیشتووە،رایگەیاندووە، "یاروڵڵا " چاوی کەوت بە جەنەراڵ"جیۆڤانی م. ئینوتشی" فەرماندەی نوێنەرایەتیی ناتۆ لە عێراق،کە ژمارەیەک لە ڕاوێژکار ئەرکیان مەشق و ڕاهێنانە بە سوپای عێراق ، لایەنی عێراقیش ھەریەک لە بەڕێوەبەری مەشقی سەربازی و هێزی دەریایی، ئامادەی بوون، لە كۆبوونەوەیەکدا تاوتوێی چوارچێوەكانی هاوكاری و هەماهەنگی و فراوانكردنی شەراكەت كرا لەسەر ئاستی ڕاهێنان و پێشكەشكردنی شارەزایی لە هەموو بوارێکی سەربازییەوە ، بە مەبەستی پەرەپێدانی تواناكانی سوپای عێراق.
