دەستپاكی دەركردنی فەرمانی دەستگیركردن لە دژی سەرۆكی فەرمانگەیەكی ئەوقاف ڕادەگەیەنێت

ناوخۆ

11-09-2022, 16:05

+A -A

بەغدا - INA

ئەمڕۆ یەكشەممە دەستەی دەستپاكی فیدراڵی دەركردنی فەرمانی دەستگیركردنی بۆ بەرپرسی یەكێك لە فەرمانگەكانی ئەوقاف ڕاگەیاند.

لە بەیاننامەیەكدا كە لەلایەن بەشی لێكۆڵینەوەكانی كۆمسیۆنەوە هاتووە كە گەیشتووەتە ئاژانسی هەواڵی عێراقی (INA) ئەوەشی خستووەتەڕوو : دادگا فەرمانەكەی دەركردووە لەدژی سەرۆكی دیوانێكی پێشووی ئەوقاف بەهۆی ئەنجامدانی كۆمەڵێك سەرپێچی كە نوێنەرایەتی دەكرێت بە دەركردنی فەرمانی دیوانێك بۆ ناردنی كۆمەڵێك كارمەندی نووسینگە بۆ سعودیە لە ساڵی 2016 لە چوارچێوەی پشكی دیاریكراو بۆ كۆمیسیۆنی حەج و عەمرە و پێدانی دەرماڵەی تەواوەتی سكۆلەرشیپیان، بە پێشێلكردنی بڕگەكانی مادەی (2/3) لە ڕێساكانی ناردن و گەشتكردن.

لە راگەیەندراوەكەدا ئاماژە بەوەشكراوە : سەرۆكی دیوانەكە پاداشتێكی داوە بە بەشێك لە فەرمانبەرانی مەكتەبەكە، ئەمەش بە پێشێلكردنی بڕگەكانی ماددەی (5 / أ) لە رێنماییەكانی جێبەجێكردنی بودجەی ساڵی 2016 و ئاماژەی بەوەشكردووە : دەستگیركردنەكە فەرمانی دەستگیركردن بە پشتبەستن بە بڕگەكانی مادەی (331) لە یاسای سزادان دەرچووە.

جێگای ئاماژەیە كە دەستەی دەستپاكی لە سەرەتای مانگی نیسانی ڕابردوودا ڕایگەیاند كە دادگای دووەمی لێكۆڵینەوەی كەرخ فەرمانێكی دەركردووە بۆ بانگهێشتكردنی سەرۆكی پێشووی دادگا لە هەمان دۆسیەدا.