سێ دۆسیە لەسەر مێز دانراوە بۆ دانوستانەكانی نێوان سەرۆكی كۆمار و باڵیۆزی ئوردن
سیاسی
- 11-09-2022, 13:12
بەغدا - INA
بەرهەم ساڵح سەرۆك كۆماری عێراق و مونتەسر ئەلعەقلە باڵیۆزی ئوردن ئەمڕۆ یەكشەممە هاوكاری ئابووری و بازرگانی و كاری هاوبەشی نێوان هەردوو وڵاتیان تاوتوێ كرد.
نووسینگەی ڕاگەیاندنی سەرۆكایەتی كۆمار لە بەیاننامەیەكدا كە بەده‌ستی ئاژانسی هەواڵی عێراقی (INA) گەیشتووە و ڕایگەیاندووە : بەرهەم ساڵح سەرۆك كۆماری عێراق پێشوازی لە مونتەسر ئەلعەقلە باڵیۆزی شانشینی هاشمی ئوردن لە عێراق كرد.
ئاماژەی بەوەشكرد: هەردوولا گفتوگۆیان كرد لە میانی كۆبوونەوەكەدا بۆ پەیوەندییە برایەتیی و هاوبەشەكانی نێوان هەردوو وڵات و گەلی برا، هەروەها ڕێگاكانی بەهێزكردن و پەرەپێدانیان لە بوارەكانی بەرژەوەندی هاوبەشدا، بەتایبەتی هاوكاری ئابووری و بازرگانی و كاری هاوبەش لە گەیشتن بە بەرژەوەندییە هاوبەشەكان و هەروەها جێگیركردنی سەقامگیری و ئاشتی لە ناوچەكەدا.
