تەندروستی سێ راسپاردە سەبارەت بە كۆلێرا دەردەكات و پەیامێك بۆ هاوڵاتیان دەنێرێت
ناوخۆ
- 31-08-2022, 17:56
بەغدا - INA- كەرار خەلیل
ئەمڕۆ چوارشەممە وەزارەتی تەندروستی سێ راسپاردەی سەبارەت بە پەتای كۆلێرا دەركرد، هاوكات پەیامێكی ئاراستەی هاوڵاتیان بەتایبەت بەساڵاچووان كرد.
سەیف ئەلبەدر وتەبێژی وەزارەتی تەندروستی بە ئاژانسی هەواڵی عێراقی (INA)ی راگەیاند : ژمارەی تووشبووانی كۆلێرا كە لە زۆربەی پارێزگاكان تۆماركراون و هەزار حاڵەتی تێپەڕاندووە.
ئەلبەدر ئاماژەی بەوەشكرد : ئەم نەخۆشییە لەڕێگەی خۆراكەوە دەگوازرێتەوە، واتە كلیلی خۆپاراستن گرنگیدان بە پاكوخاوێنی، هەروەها لێرەدا رۆڵی شارەوانی بەغدا و شارەوانی دێتە پێشەوە لە پلەی یەكەمدا بەدواداچوون بۆ چێشتخانەكان دەكەن و لەسەر هەموو كەسێك كە پابەندبن بە پاكوخاوێنی كەسی و دەست شۆردن.
ئەلبەدر جەختی كردەوە : پێویستە بە زووترین كات پێداچوونەوە بە بنكە تەندروستییەكان بكرێت لە ئەگەری دەركەوتنی نیشانەكان، بەتایبەتی بەساڵاچووان و ئاماژەی بەوەشكردووە : رۆڵی وەزارەتی تەندروستی سەبارەت بە كۆلێرا و تای خوێنبەربوون بریتییە لە دەستنیشانكردنی حاڵەتەكان و پێشكەشكردنی پزیشكی و چاودێری پەروەردەیی پەیوەندیدارەكانی تر.
