كشتوكاڵ: زیاتر لە 700 ئاژەڵ لە هۆڕی جبایش گیانیان لەدەستداوە
ناوخۆ
- 24-08-2022, 21:19
بەغدا - INA- ئامنە سەلامی
ئەمڕۆ چوارشەممە وەزارەتی كشتوكاڵ گیانلەدەستدانی زیاتر لە 700 ئاژەڵی لە هۆڕی جبایش لە پارێزگای زیقار راگەیاند، هاوكات ئاماژەی بەوەدا كە بڕی ئاوی ژێر زەوی بەشی ئەوە ناكات بۆ دابینكردنی هۆڕەكان.
عەباس سالم حسێن بەڕێوەبەری گشتیی ئاژەڵداری لە راگەیەندراوێكدا بۆ ئاژانسی هەواڵی عێراق (INA) رایگەیاند : وەزارەتی كشتوكاڵ ئاڕاستەی وەزارەتی سەرچاوەكانی ئاوی كردووە بۆ زیادكردنی دەردانی بەشەخۆراكی ئاو بۆ رزگاركردنی هۆڕەكان لە وشكەساڵی.
ئاماژەی بەوەشكرد : پشتبەستن بە ئاوی ژێر زەوی بۆ دووركەوتنەوە لە قەیرانی هۆڕەكان زۆر قورسە، بە لەبەرچاوگرتنی ئەوەی كە بڕی ئاوی دەرهێنراو كەمن بە بەراورد بەو شتەی هۆڕەكان پێویستیان پێیەتی.
ئاماژەی بەوەشكردووە : ئەو وشكەساڵییەی كە رووی لە هۆڕی جبایشی لە پارێزگای زیقار كردووە، تا ئێستا بووەتە هۆی مردنی زیاتر لە 700 ئاژەڵ و ئاماژەی بەوەشكردووە : گامێشەكان بە شێوەیەكی سەرەكی پشت بە ئاو دەبەستێت.
