دەروازە سنوورییەکان ئامادەیی خۆی بۆ پێشوازی سەردانیکەرانی چلیه پشتڕاستدەكاتەوە
ناوخۆ
- 21-08-2022, 11:36
بەغداد - INA
دەستەی دەروازە سنورییەكان ئەمڕۆ یەکشەممە" ئامادەیی خۆیان بۆ پێشوازی سەردانیکەرانی چلیه لەشاری کەربەلا دووپاتکردەوە.
دەستەكە لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: بە هەماهەنگی لەگەڵ پارێزگاکان و فەرماندەیی ئۆپەراسیۆنە هاوبەشەکان و بە سەرپەرشتی ڕاستەوخۆی وەزیری ناوخۆ، دەستەی دەروازە سنورییەكان ڕێوشوێنی پێویستی بۆ پێشوازی سەردانیکەرانی عەربەینی ئیمام حسێن (سەلامی خوای لێبێت) تەواو کردووە، لەو شوێنەی کە چەندین ڕاهێنان ئەنجام دراوە سەبارەت بە پشکنینی کەسەکان و پشکنینی پاسپۆرت و بڵاوکردنەوەی ئاسایش بۆ دڵنیابوون لە ئاسانکردنی ڕێکارەکان و لە هەمان کاتدا بۆ دڵنیابوون لەوەی کە هیچ سەردانکەرێک تێناپەڕێت تا دوای گرتنە بەری ڕێوشوێنی حکومی.
ئاشكراشیكرد: بۆ ئەوەی هەموو ئەو ئۆرگانانە یەکبخەین و ڕێکبخرێت کە بە ئەرکی سەردانی چلە دەیانگرێتەوە، بارەگایەک پێکهێنراوە بۆ ئەو بەهێزکردن کە لەلایەن فەرماندەیی ئۆپەراسیۆنە هاوبەشەکانەوە دابین کراوە.
رونیشیكردەوە: لیژنەی بەهێزکردن لەبارەگای دەستەی دەروازە سنورییەكان هەیە کە بە هاوبەشی کار بۆ سەرخستنی ئەو پلانە دەکەن کە بۆ سەردانی پیرۆز دانراوە.
