كاروباری مین فڕۆكەی بێفڕۆكەوان بۆ روپێوی بەكاردەهێنێت و پێشبینی دەكان ژمارەی قوربانیان بگاتە 70 هەزار

بەدواداچوون و ڕاپۆرت

17-08-2022, 20:50

+A -A

بەغداد - INA

فەرمانگەی كاروباری مین لەوەزارەتی ژینگە پاككردنەوەی 53٪ ی ناوچە مینرێژكراوەكانی لەعێراق ڕاگەیاند، و هاوكات ئاشكرایكرد: زیاتر لە 34 هەزار قوربانی بە شەهید و بریندار لە ئەنجامی پاشماوەكانی شەڕ تۆماركراون.

بەڕێوەبەری گشتی فەرمانگەی كاروباری مین زافر مەحمود لەچاوپێكەوتنێكیدا لەگەڵ ئاژانسی هەواڵی عێراقی رایگەیاند: بە هەماهەنگی لەگەڵ وەزارەتەكانی ناوخۆ و بەرگری و هاوكاریی نێودەوڵەتی 53٪ ی ناوچە پیسبووەكانی مین پاككراونەتەوە.

وتیشی: رووبەری پاك نەكراوە لە مین تا ئێستا دوو ملیار و 700 ملیۆن مەتر دووجایە و هەموو پارێزگاكانی عێراق دەگرێتەوە جگە لە هەرێمی كوردستان.

ئاشكراشیكرد: پرۆژەكانی لێكۆڵینەوەی قوربانییەكان بەردەوامن و ئەم ژمارانە لە زیادبووندایە بەهۆی نەبوونی هۆشیاریی هەندێك لە مەترسی شوێنەكان و چوونە ناوەوەیان و خستنە مەترسییەوە.

رونیشیكردەوە: تا ئێستا زیاتر لە 34 هەزار قوربانی بە شەیهید و بریندارەوە تۆماركراون و پێشبینیش دەكرێت دوای ئەنجامدانی سەرژمێری قوربانییەكان ژمارەی قوربانییەكان زیاد بكات و ڕەنگە بگاتە دوو هێندە ئەم ژمارەیە.