رافیدەین ماوەی گەڕاندنەوەی قەرزەكە بۆ كڕینی خانووی نیشتەجێبوون دیاری دەكات
ئابوری
- 16-08-2022, 12:51
بەغدا- INA
ئەمڕۆ سێشەممە بانكی رافیدەین ماوەی دانەوەی قەرزەكەی دیاریكرد بۆ كڕینی خانووی نیشتەجێبوون بۆ فەرمانبەران و خانەنشینان و هاوڵاتیان.
بانكەكە لە راگەیەندراوێكدا كە دەست ئاژانسی هەواڵی عێراقی (INA) كەوتووە و ئاماژەی بەوەكردووە : ماوەی دانەوەی قەرزی 150 ملیۆن بۆ كڕینی خانووی نیشتەجێبوون بۆ فەرمانبەران و خانەنشینان و هاووڵاتیان تا 10 ساڵە و بە رێژەی سوودی 4 % دەبێت .
بەگوێرەی راگەیەندراوەكە بانكەكە داوای لە كڕیارەكانی كردووە پێداچوونەوە بە سەرجەم لقەكانی بانكەكەدا بكەن لە بەغدا و پارێزگاكان بە مەبەستی پێداچوونەوە بە كۆنتڕۆڵ و رێنماییەكان و میكانیزمی پێشكەشكردن و وەرگرتنی قەرزەكە.
