یارەڵا رۆڵی فەرەنسا بەرزدەنرخێنێت لەڕاوەستان لەگەڵ عێراق لەڕوبەڕوبونەوەی داعش
ناوخۆ
- 14-08-2022, 13:12
بەغداد- INA
فەریقی یەكەم عەبدولعەمیر ڕەشید یارەڵا سەرۆكی ئەركانی سوپا ئەمڕۆ یەكشەممە، ڕۆڵی فەرەنسای بەرزنرخاند لەڕاوەستانی لەگەڵ عێراق لەڕووبەڕووبوونەوەی چەتەكانی داعش .
وەزارەتی بەرری لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت:
فەریقی یەكەم عەبدولعەمیر ڕەشید یارەڵا سەرۆكی ئەركانی سوپا لە ئۆفیسەكەی خۆی پێشوازیكرد لە پاشكۆی نوێی سەربازی نوێی فەڕەنسا و پاشكۆی پێشووی سەربازی لە عێراق.
یارەڵا تەئكیدی لەسەر قوڵایی هاوكارییە سەربازییەكانی نێوان هەردوو وڵاتی دۆست عێراق و فەرەنسا كردەوە، و هاوكات باسی لە ڕۆڵی مەزنی فەرەنسا لە ناو هاوپەیمانی نێودەوڵەتیدا لە وەستانی لەگەڵ عێراق و گەلەكەیدا لە بەرەنگاربوونەوەی گروپە تیرۆریستییەكانی داعشدا كرد بە دابینكردنی پاڵپشتی لۆجستی و شارەزایی پێویست بۆ دامەزراوە سەربازییەكەی عێراق، هەروەها هیوای سەركەوتنی خواست بۆ پاكۆی نوێی سەربای فەرەنسا و سەركەوتن لە ئەركە نوێكەی.
هەروەك سەرۆكی ئەركانی سوپا سوپاسی ئەو پاشكۆی سەربازیی پێشووی فەڕەنسای كرد كە ئەركەكانی لە عێراق كۆتایی هاتووە بۆ هەوڵەكانی لە بەرزكردنەوەی هاوكارییە هاوبەشەكانی نێوان هەردوو وڵاتی دۆست و هیوای سەركەوتنی بۆ خواست لە كار و ژیانیدا.
