نێچیرڤان بارزانی پێشوازی لە كونسولی ئەڵمانیا دەكات

سیاسی

7-08-2022, 14:17

+A -A

هەولێرـ INA
ئەمڕۆ نێچیرڤان بارزانی، سەرۆكی هەرێمی كوردستان، بە بۆنەی كۆتاییهاتنی كارەكانییەوە، پێشوازی لە کلێمنس زێمتنەر كونسولی گشتیی ئەڵمانیا لە هەرێمی كوردستان كرد.

نووسینگەی ڕاگەیاندنی سەرۆکی هەرێم لەڕاگەیندراوێکد کەکۆپیەک بۆ ئاژانسی هەواڵی عێراقی ناردووە ڕاگەیاند: لە دیدارێكدا سەرۆك نێچیرڤان بارزانی سوپاس و پێزانینی بۆ کار و هەوڵه‌کانی كونسولی گشتیی ئەڵمانیا بۆ برەودانی پەیوەندییەكانی وڵاتەكەی لەگەڵ هەرێمی كوردستان دەربڕی و هیوای سەركەوتنی لە ئەركی تازەیدا بۆ خواست.

هەروەها لەبەشێکی دیکەی ڕاگەیتدراوەکەدا هاتووە کەلەلای خۆیەوە كونسولی گشتیی ئەڵمانیا ڕۆڵ و هەوڵەكانی سەرۆك نێچیرڤان بارزانی لەپێناو كۆكردنەوەی لایەنەكان و یەكخستنیاندا بەرز نرخاند.
پەیوەندییەكانی عێراق و هەرێمی كوردستان لەگەڵ ئەڵمانیا، پرۆسەی سیاسیی عێراق، دۆخی شەنگال و چەند بابەتێكی دیكە، لایەنێكی دیكەی دیدارەكە بوو.