نرخی نەوت لە ئاستێکی بەرزدا جێگیر بوو
ئابوری
- 29-07-2022, 13:36
بەدواداچون - INA
ڕۆژی هەینی نرخی نەوت لە مامەڵەکانی ئاسیادا لە ئاستێکی بەرزدا جێگیر بوو، ئەمەش بە پشتیوانی نیگەرانییەکانی دابینکردن و لەگەڵ گواستنەوەی تەرکیز بۆ کۆبوونەوەی داهاتووی ئۆپێک +، هەرچەندە ترسی پاشەکشە دەستکەوتەکانی سنووردار کرد.
نرخی نەوتی خاوی مامناوەندی ڕۆژئاوای تەکساس بۆ مانگی ئەیلول 38 سەنت بەرزبووەوە، واتە 0.4%، بۆ 96.80 دۆلار بۆ هەر بەرمیلێک، بۆ قەرەبووکردنەوەی زیانەکانی لە دانیشتنی پێشوودا، و بەرەو تۆمارکردنی بەرزبوونەوەی هەفتانە بە ڕێژەی نزیکەی 3% دەڕوات.
نرخی یەک بەرمیل نەوتی خاوی برێنت بۆ مانگی ئەیلول کە رۆژی هەینی کۆتایی دێت، بە 107 دۆلار و 14 سەنت مامەڵەی پێوەکرا.
نرخی یەک بەرمیل نەوتی خاوی برێنت لە مانگی ئۆکتۆبەردا بە رێژەی 8 سەنت بەرزبووەوە، کە دەکاتە 0.1% و گەیشتە 101.91 دۆلار.
کۆبوونەوەی داهاتووی ڕێکخراوی وڵاتانی هەناردەکاری نەوت و هاوپەیمانەکانی، یان ئەو ناسراوە بە ئۆپێک +، لە ٣ی ئابدا دەبێتە هۆکارێکی گرنگ لە بازاڕدا.
سەرچاوەکان لە "ئۆپێک +" ڕایانگەیاندووە کە بیر لە هێشتنەوەی ئاستی بەرهەمهێنان دەکەنەوە وەک خۆی بۆ مانگی ئەیلول، بەڵام دوو سەرچاوە لە ئۆپێک + بە "ڕۆیتەرز"یان ڕاگەیاندووە کە تاوتوێی زیادکردنی کەمێک لە بەرهەمهێنان دەکرێت.
دوێنێ پێنجشەممە، بەرپرسێکی باڵا لە ئیدارەی ئەمریکا رایگەیاند، حکومەت گەشبینە بە کۆبوونەوەی ئۆپێک +، ئاماژەی بەوەشکرد، رەنگە زیادبوونی بەرهەمهێنان بەشداربێت لە سەقامگیرکردنی بازاڕ.
سەرچاوە: عەرەبی
