كازمی داوا لە خۆپیشاندەران دەكات دەستبەجێ لە ناوچەی سەوز بكشێنەوە

سیاسی

27-07-2022, 19:12

+A -A

بەغداد - INA

مستەفا كازمی فەرماندەی گشتی هێزە چەكدارەكان ئەمڕۆ چوارشەممە، داوای لە خۆپیشاندەران كرد دەستبەجێ لە ناوچەی سەوز بكشێنەوە.

نوسینگەی ڕاگەیاندنی كازمی لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: فەرماندەی گشتی هێزە چەكدارەكان داوای خۆپیشاندەران كرد كە پابەندبن بە ئاشتی و پاراستنی موڵكی گشتی و تایبەتی،و بە ڕێنماییەكانی هێزە ئەمنییەكان لە پاراستنیان بەپێی یاسا و رێنماییەكان و كشانەوەی دەستبەجێ لە ناوچەی سەوز.

بە پێی بەیاننامەكە كازمی ئاماژەی بۆ ئەوەشكردووە: هێزە ئەمنییەكان پابەند دەبن بە پاراستنی دامەزراوەكانی دەوڵەت و دامەزراوە نێودەوڵەتییەكان و ڕێگریكردن لە هەر پێشێلكاریی ئەمنی و سیستم.