لەدوو پارێزگا 5 تیرۆریست دەستگیركران و دەستیشگیرا بەسەر 3 كۆگای چەك و تەقەمنیدا

ئەمنی

22-07-2022, 16:31

+A -A

بەغداد - INA

دەزگای ئاسایشی نیشتمانی ئەمڕۆ هەینی، پێنج تیرۆریست دەستگیركرد و دەستی بەسەر سێ كۆگای چەك و تەقەمەنیدا گرت.

شانەی ڕاگەیاندنی ئەمنی لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: دوای وەرگرتنی ڕەزامەندی دادوەر، مەفرەزەكانی ئاسایشی نیشتمانی پێنج تیرۆریستیان دەستگیركرد كە سیانیان لە ناوچە جیاوازەكانی بەغدای پایتەخت و دوو تیرۆریستی دیكە یەكێكیان لەپارێزگای سەلاحەدین و ئەوی تریان لەپارێزگای كەركوك دەستگیركراون.

ئاشكراشیكرد: مەفرەزەكانی دەزگاكە لە پارێزگای ئەنبار توانیان دەست بەسەر سێ كۆگای چەك و تەقەمەنی بگرن كە بڕێكی زۆر چەكی جۆراوجۆریان تێدایە و نزیكەی (100) مووشەكی هەمەجۆریش بەنیازبوون هێزە ئەمنییەكانی پێ بكەنە ئامانج.

رونیشیكردەوە: بەهەوڵی ئەندازیاریی ئەو چەكانە چارەسەركراون و تۆمەتبارانیش دوای ئەوەی لێدوانیان بۆ لایەنە دادوەرییەكان نووسراون بۆ گرتنەبەری ڕێوشوێنی یاسایی پێویست لەدژیان ڕادەستی لایەنی دادوەری كراون.