کازمی لێکۆڵینەوە لە بۆردومانەکەی پارێزگای دھۆک دەکات و لێژنەیەکی باڵاش رەوانەدەکات

ئەمنی

20-07-2022, 16:43

+A -A

بەغداد/INA

ئەمڕۆ چوارشەممە، شانەی راگەیاندنی ئەمنی دەرکردنی بڕیاڕیکی مستەفا کازمی فەرماندەی گشتی هێزە چەکدارەکان و سەرۆک وەزیرانی عێراقی راگەیاند بۆ ناردنی وەزیری دەرەوە و وەفدێکی ئەمنی بۆ شوێنی بۆردومانەکەی پارێزگای دھۆک و بەسەر کردنەوەی بریندارەکان .

لەوبارەیەوە " لیوا سەعد مەعن" سەرۆکی شانەی راگەیاندنی ئەمنی بە ئاژانسی هەواڵی عێراقی (INA) راگەیاندووە، "فەرماندەی گشتی هێزە چەكدارەكان وەزیری دەرەوە و جێگری فەرماندەی ئۆپەراسیۆنە هاوبەشەكان و سكرتێری تایبەتی خۆی و فەرماندەی هێزەکانی پاسەوانی سنووری راسپاردون بۆ سەردانی شوێنی بۆردومانەکە و لێکۆڵینەوە لە ڕووداوەکە بکەن و ھەروەھا بریندارەکان بەسەر بکەنەوە .