پارتی دیارترین دۆسیەكانی كۆبوونەوەی سبەی سەرۆكی كوتلە سیاسیەكان ئاشكرا دەكات
سیاسی
- 17-07-2022, 21:15
بەغدا –INA
ئەمڕۆ یەكشەممە كوتلەی پارتی دیموكراتی كوردستان دیارترین دۆسیەكانی كۆبوونەوەی سەرۆكی كوتلە سیاسییەكانی ئاشكرا كرد كە بڕیارە سبەینێ لە باڵەخانەی پەرلەمان بەڕێوەبچێت، هاوكات (ئیتار تەنسیق) داوای كرد گوشار نەخرێتە سەر كورد سەبارەت بە پۆستی سەرۆك كۆمار.
نوێنەری كوتلەكە، چیایی تەیمور لە بەیاننامەیەكدا بۆ ئەلعێراقیە نیوز كە بەدواداچوونی بۆ ئاژانسی هەواڵی عێراقی (INA) كرد و ڕایگەیاندووە : كوتلەی پارتی دیموكراتی كوردستان بەشداری لە كۆبوونەوەی سەرۆكایەتی پەرلەمان دەكات لەگەڵ كوتلە سیاسییەكان بۆ سبەینێ لە بینای پەرلەمان و ئاماژەی بەوەدا كە : لە كۆبوونەوەكەدا تاوتوێی پرسی هەڵبژاردنی سەرۆك كۆمار و دیاریكردنی وادەیەك بۆ دانیشتن دەكرێت و دەنگدان لەسەر سەرۆك كۆمار، جگە لە راسپاردنی (ئیتار تەنسیق) بۆ هەڵبژاردنی سەرۆك وەزیران وەك گەورەترین كوتلە.
ئاماژەی بەوەشكرد : پۆستی سەرۆك كۆمار بەشی كوردە و دەبێت كەسێك بۆ ئەو پۆستە هەڵبژێردرێت، داواشی لە (ئیتار تەنسیق) كە فەشار لەسەر كورد نەكرێت سەبارەت بە پۆستی سەرۆك كۆمار .
جەختیشی كردەوە كە : هێشتا هەردوو لایەنی كوردی لەسەر پۆستی سەرۆك كۆمار رێكنەكەوتوون و ئاماژەی بەوەشدا كە : چاوەڕوانی ئەوە دەكرێت كۆبوونەوەیەكی رەخنەگرانە لەنێوان هەردوو لایەندا هەبێت بۆ یەكلاكردنەوەی كاندیدەكە.
بایدن ڕێککەوتنی ئاگربەست لە لوبنان ڕادەگەیەنێت
- جیهانی
- 12:11
