وەزیری دەرەوە داوای چالاككردنی ڕێككەوتنەكان لەگەڵ بەنگلادیش دەكات

سیاسی

17-07-2022, 19:47

+A -A

بەغدا –INA

ئەمڕۆ یەكشەممە فوئاد حسێن وەزیری دەرەوە داوای كرد ئەو ڕێككەوتنانەی نێوان عێراق و بەنگلادیش واژۆ كراون كارا بكرێن.

وەزارەتی دەرەوە لە بەیاننامەیەكدا كە بە ئاژانسی هەواڵی عێراقی (INA) گەیشتووە و ڕایگەیاندووە : كە فوئاد حسێن ئەمڕۆ پێشوازی لە باڵیۆزی كۆماری بەنگلادیش ئەمدی فەزلول باری لە عێراق كرد و لە میانی كۆبوونەوەكەدا بەرەوپێشچوونی پەیوەندییە دووقۆڵییەكانی نێوان بەغدا و داكار كرا و ڕێگاكانی بەهێزكردنیان بۆ خزمەتكردنی بەرژەوەندییەكانی دوو گەلی دۆست و پێداچوونەوەیان بۆ كرا.

ئاماژەی بەوەشكردووە : لە كۆبوونەوەكەدا حەیدەر رازی ناسر ئەلشمرتی بەرپرسی بەشی ئاسیا و ئوسترالیا لە دەزگاكەدا ئامادەبوو.

وەزیرەكە ئاماژەی بەوە كردووە : بەپێی بەیاننامەكە كە عێراق ئارەزووی دامەزراندنی باشترین پەیوەندییە لەگەڵ هەموو وڵاتانی جیهان بۆ چالاككردنی بەرژەوەندی هاوبەش و ڕووبەڕووبوونەوەی مەترسییە هاوبەشەكان و داوای كرد پێویستی كاراكردنی ئەو ڕێككەوتنانەی كە لەنێوان عێراق و بەنگلادیش واژۆكراون،لای خۆیەوە ئەمدی فەزلول پەرۆشی وڵاتەكەی بۆ بەرزكردنەوەی هاوكارییە هاوبەشەكان و گرنگی ئاڵوگۆڕی سەردانەكانی نێوان بەرپرسانی هەردوو وڵات دووپاتكردەوە.