کازمی مەدالیای شەرەفمەدێتی لە سەرۆکی فەڕەنسا وەردەگرێت

سیاسی

14-07-2022, 15:52

+A -A

بەغداد/ INA

سەرۆک وەزیران مستەفاکازمی ئەمڕۆ ڕۆژی پێنجشەممە مەدالیای شەرەف وەردەگرێت کە بەرزترین مەدالیای شانازیە لەوڵاتی فەڕەنسا.

نووسینگەی ڕاگەیاندنی سەرۆک وەزیران لەبەیاننامەیەکدا کەدەست ئاژانسی هەواڵی عێڕاقی کەوتووە وتی کە ئەم ڕێزگرتنە لەودیدارەدا هات کە کازمی پێشوازی لە باڵیۆزی فەڕەنسا ئیریک شوفالییە کرد لەعێڕاق ، کەبەنوێنەرایەتی سەرۆکی فەڕەنسی ئیمانوئیل ماکرون پێشکەشی کازمی کرد ، ئەم مەدالیایە بەبەرزترین ئاستەکانی ڕێزلێنان هەژماردەکرێت لەفەڕەنسا.

لەلایەن خۆیەوە کازمی سوپاسگوزاری خۆی ئاڕاستەی سەرۆکی فەڕەنسا کرد وکۆششەکانیشی بەرزنرخاند بۆپاڵپشتکردنی عێڕاق.

بەیاننامەکە وتی کە لە دیدارەکەدا باس لەپەیوەندیە دووقۆڵیەکان و رێگاکانی پتەوکردنی پەیوەندیەکانی نێوان هەردوو وڵات کرا لەهەموو بوارەکانی ئابووری و ئاسایش وجەختیش کرایەوە سەر پاڵپشتکردنی پڕۆسەی وەبەرهێنان وبەشداریکردنی کۆمپانیا فەڕەنسیەکان.

هەروەها سەرۆک وەزیران لەم دیدارەدا هیوای خواست کە عێڕاق هەمبەربە وڵاتانی دۆست ودراوسێ بکرتەوە بەشێوەیەک کە بەردەوامی بە ئابووری وڵات بدات و ببێتە مایەی سەقامگیری عێڕاق وناوچەکە.