تەندروستی ئەنبار ڕەتیدەكاتەوە 500 حاڵەتی كۆلێرا لەپارێزگاكە تۆماركرابێت
ناوخۆ
- 12-07-2022, 17:28
بەغداد - INA
فەرمانگەی تەندروستی ئەنبار، ئەمڕۆ سێشەممە ڕەتیكردەوە كە 500 حاڵەتی سكچون بەهۆی نەخۆشی كۆلێرا لەو پارێزگایە تۆماركرابێت.
ئەنس قەیس ئەلعانی وتەبێژی فەرمانگەی تەندروستی ئەنبار لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: حاڵەتەكانی سكچوون كە نەخۆشخانەكانی قەزای فەلوجەوە وەریگرتووە، یەكێكە لە هۆكارە ناسراوەكانی سكچوون بەهۆی پلەی گەرمای بەرز و كەمی ئاو و نەبوونی پاكوخاوێنی بووە.
ئاشكراشیكرد: نەخۆشخانەكانی قەزای فەلوجە رۆژانە پێشوازی لە 30 بۆ 35 حاڵەتی سكچوون كردووە كە ڕێژەیەكی ئاساییە لە كاتی ئەمساڵدا.
جەختیشیكردەوە بەشی تەندروستی ئەنبار تا ئێستا هیچ حاڵەتێكی كۆلێرای بڵاونەكردۆتەوە، و وتیشی: پێویستە ئەو زانیارییانە لە سەرچاوە فەرمییەكانی وەربگیرێن كە لەلایەن بەشی تەندروستی ئەنبارەوە نوێنەرایەتی دەكرێت.
