سەرۆكی كۆمار: عێراق ناوەندێكی جەوهەرییە بۆ ئاسایش و سەقامگیری ناوچەكە
سیاسی
- 4-07-2022, 21:16
بەغدا - INA
ئەمڕۆ دووشەممە، بەرهەم ساڵح، سەرۆك كۆمار دووپاتی كردەوە كە عێراق میحوەرێكی جەوهەرییە بۆ ئاسایش و سەقامگیری ناوچەكە.
نوسینگەی راگەیاندنی سەرۆك كۆمار لە راگەیەندراوێكدا كە بە ئاژانسی هەواڵی عێراقی گەیشتووە، رایگەیاندووە، "بەرهەم ساڵح سەرۆك كۆمار پێشوازی لە سیناتۆری ئەمریكی لیندسی گراهام كردووە"، ئاماژەی بەوەشكردووە، "لە كۆبوونەوەكەدا مامەڵە لەگەل پەیوەندییە دووقۆڵییە بەهێزەكانی نێوان هەردوو وڵات و ڕێگاكانی بەهێزكردنیان لە بوارەكانی سیاسی و ئابووری و كولتووریدا، بەپێی لێكتێگەیشتن و بەرژەوەندییەكان. گرنگی بەردەوامبوون لە كاركردن و هەماهەنگی بۆ بەرەنگاربوونەوەی تیرۆر و بنبڕكردنی ڕەگەكانی لە هەموو ناوچەكەدا، و.هاوكاری بكەن لە ڕووبەڕووبوونەوەی هەڵاوسانی ئابووری و بەرەنگاربوونەوەی بەڵای گەندەڵی دارایی و كارگێڕی و یارمەتیدان بۆ وەرگرتنەوەی ئەو پارانەی كە بە قاچاخ دەگوازرێنەوە بۆ دەرەوەی وڵات، ئەمە جگە لە هاوكاریكردن لە ڕووبەڕووبوونەوەی دیاردەی گۆڕانی كەشوهەوا و پاراستنی ژینگە.
ئاماژەی بەوەشكرد، "لە كۆبوونەوەكەدا گفتوگۆیان لەسەر دوایین پێشهاتە ناوچەیی و نێودەوڵەتییەكانی بەرژەوەندی هاوبەش كرد".
لای خۆیەوە سیناتۆر لیندسی گراهام دووپاتی كردەوە "پابەندبوونی ئەمریكا بە پشتیوانیكردنی ئاسایش و سەقامگیری عێراق، هەروەها بۆ دروستكردنی پەیوەندی نزیك لە بوارە جیاجیاكاندا"، ئاماژەی بە "گرنگیی عێراق لە ناوچەكە و رۆڵی كارای لە دامەزراندنی ئاسایش و سەقامگیری كرد
