دیجیتاڵ میدیا: چەتەكانی داعش بۆ پاراستنی ماڵپەڕەكانیان لە بنكەكانی داتا لە بەغدا و هەولێر بەكاردەهێنن

بەغدا –INA
ئەمڕۆ سێشەممە ناوەندی میدیای دیجیتاڵی (DMC) ڕایگەیاند :  چاودێری دەیان ماڵپەڕی باندی تیرۆریستی داعشیان كردووە كە سوودمەندن لەو خزمەتگوزارییانەی كە كۆمپانیای (كلاود فلیر) لەڕێگەی ناوەندەكانییەوە لە عێراق پێشكەشی دەكات.
موئەمەل ئەحمەد شكیر بەرپرسی ئاسایشی ئەلیكترۆنی سەنتەرەكە لە بەیاننامەیەكدا كە بە ئاژانسی هەواڵی عێراقی ( INA) گەیشتووە ڕایگەیاندووە كۆمپانیای كلاود فلیر دوو ناوەندی سەرەكی لە بەغدا و هەولێر دەپارێزێت كە لەڕێگەیەوە خزمەتگوزاری ئەمنی پێشكەش بە ماڵپەڕەكان دەكرێت و ئاسانكارییان بۆ دەكرێت بە شێوەیەكی رێك و پێك و خێرا و ئاماژەی بەوەشكردووە : دەیان ماڵپەڕی باندە تیرۆریستییەكانی داعش كە سوودیان لە خزمەتگوزارییەكانی كۆمپانیای (كلاود فلایر) وەرگرتووە و  چاودێری كراون و هەربۆیە بەهۆی ئەو چینە ئەمنییانەی كە پێشكەشیان كراوە ناسینەوە یان ڕاگرتنی زانیارییەكانیان قورس بووە لەلایەن كۆمپانیاكە و شاردنەوەی ئایپی ئەسڵی ئەم ماڵپەڕانە.
شكیر دووپاتی كردەوە  : كە ناوەندەكانی داتاكانی كۆمپانیای پێشووتر ئاسانكارییان كردووە بۆ گەڕان بە ماڵپەڕەكانی داعش لە كاتێكی خێراتردا بۆ رای گشتی عێراق، ئەوەش بەهۆی ستراتیژییەكانی كلاود فلیر لەسەر بنەمای هەڵگرتنی كاتی ناوەڕۆكی ماڵپەڕەكان لە ناوەندەكانی داتاكانی لە عێراق.
لای خۆیەوە فازل ئەلدوخی توێژەری دیجیتاڵی رایگەیاندووە :  بەپێی بەیاننامەكە باندەكانی داعش سوودیان لە تەكنەلۆژیای دیجیتاڵی پێشكەوتوو و ئامرازەكان وەرگرتووە بۆ راكێشانی هەزاران دامەزراو و لایەنگری نوێ لە سەرانسەری ناوچە جوگرافییە جیاوازەكاندا.
ئەلدوخی پێیوایە كەمتەرخەمی لە قەدەغەكردنی ماڵپەڕەكانی داعش لە عێراقدا هەیە، ئاماژەی بەوەدا كە كلاود فلیر لە دەیەی ڕابردوودا زۆرێك لە بانگەوازەكانی بۆ قەدەغەكردنی ماڵپەڕە تیرۆریستییەكان پشتگوێ خستووە كە پەیوەندییان بە داعشەوە هەیە، هەروەها پێی وایە كە چاودێریكردنی ناوەڕۆك كاری ئەو نییە لە تۆڕەكەیدا.
ئەلدوخی روونیكردەوە كە ئەو كۆمپانیایەی پارێزگاری لە ناوەندی داتا ژمارە 128 دەكات لە بەغدا زۆر نزیك بووەتەوە لە بینەرەكانی لەم ناوچە جوگرافییەدا كە پێشتر پشتی بە ناوەندەكانی كۆمپانیاكە بەستبوو لە ئەڵمانیا.
سەنتەرەكە ناوی دەسەڵاتی كارامەی حكومەت بۆ چارەسەركردنی ئەم كەلێنە ڕێكخراوەییە بە ئاڕاستەكردنی كۆمپانیای (كلاود فلیر) و هاوبەشەكانی لە عێراق بۆ قەدەغەكردنی ئەو سایتانە و پێدانی زانیارییەكانیان بە لایەنە ئەمنیەكانی عێراق.
جێگای ئاماژەیە كە ناوەندی میدیای دیجیتاڵی ناوەندێكی سەربەخۆیە كە تایبەتە بە چاودێریكردن و شیكردنەوەی دیاردەكانی جیهانی دیجیتاڵی و پلاتفۆرمە جۆراوجۆرەكانی، هەروەها پێشبینیكردنی گۆڕانكارییەكانی ئەم جیهانە و بەدواداچوونی هەواڵەكانی.