پەروەردە وادەی تاقیكردنەوەی ئەو خوێندكارانەی داوای سیستەمی خێرا دەكەن رادەگەیەنێت
ناوخۆ
- 27-06-2022, 16:09
بەغداد - INA
وەزارەتی پەروەردە ئەمڕۆ دووشەممە بەرواری تاقیكردنەوەكانی خوێندكارانی سیستەمی خێراكردنی ساڵی خوێندنی 2022-2023ی ڕاگەیاند.
وەزارەت لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: بەڕێوەبەرایەتی گشتی هەڵسەنگاندن و تاقیكردنەوەكان سەرجەم بەڕێوەبەرایەتییە گشتییەكانی پەروەردەی پارێزگاكانی راسپارد، بۆ ئەوەی ڕۆژی دووشەممە 4/7/2022 كاتژمێر 08:00ی بەیانی تاقیكردنەوەكانی خێراكردنی پۆلی پێنجەمی سەرەتایی ئەنجام بدەن.
ئاشكراشیكرد: سەنتەرەكانی تاقیكردنەوە لەنزیك بینای بەڕێوەبەرایەتی گشتی پەروەردەیی دەستنیشانكراوە.
رونیشیكردەوە: تاقیكردنەوەی خوێندنی ناوەندی (دووی ناوەندی) و ئاستی ئامادەیی (پێنجەم/ بایۆلۆجی و جێبەجێكردن) رۆژی چوارشەممە 6 / 7 / 2022 دەبێت كە لە پارێزگای بەغداد لە بەڕێوەبەرایەتی گشتی هەڵسەنگاندن و تاقیكردنەوەكان و میكانیزمی دیاریكراوی پێشوو ئەنجامبدرێت.
