وەزارەتی كار دەستپێكردنی موچەی سوودمەندانی بۆ مانگی حوزەیران رادەگەیەنێت
ناوخۆ
- 27-06-2022, 13:52
بەغداد - INA
وەزیری كار و كاروباری كۆمەڵایەتی بە وەكالەت سالار عەبدولستار ئەمڕۆ دووشەممە دەستپێكردنی مووچەی تەواوی سوودمەندانی بەغداد و پارێزگاكانی بۆ مانگی حوزەیران ڕاگەیاند.
وەزیری كار لەبەیاننامەیەكدا كە دەست ئاژانسی هەواڵی عێراقی كەوتووە، دەڵێت: دەستەی چاودێری كەمئەندامان و پێداویستییە تایبەتەكان لەوەزارەتی كار ڕێكارە تەكنیكی و داراییەكانی تەواوكردووە بۆ دەستپێكردنی مووچەی دامەزراندنە تەواوكراوەكان لەبەغداو پارێزگاكان، شەشەمین دامەزراندن بۆ مانگی شەشی ساڵی 2022.
ئاشكراشیكرد: دەستەكە داوا لە سوودمەندان دەكات سەردانی بانكەكانی (ڕافیدەین و ڕەشید و ئاشور) بكەن، پاش تەواوكردنی ڕێكارەكان و ئاگاداركردنەوەیان لەلایەن بانكەكانەوە، مووچەكانیان وەربگرن.
