وەزارەتی تەندروستی: تووشبووانی تای خوێنبەربوون گەیشتە ٢٠٨ حاڵەت ٣٥ یش بەو پەتایە كۆچیی دواییان كرد
ناوخۆ
- 24-06-2022, 18:00
بەغدا - INA
ئەمڕۆ هەینی وەزارەتی تەندروستی ڕایگەیاند، کۆی گشتی تووشبووانی تای خوێنبەربوون بۆ ٢٠٨ حاڵەت بەرزبووەتەوە.
سەیف بەدر وتەبێژی وەزارەتی تەندروستی لە ڕاگەیاندراوێكدا کە بە ئاژانسی ھەواڵی عێراقی گەیشتووە ڕایگەیاندووە، "لە پارێزگای نەینەوا توشبوونێکی نوێ تۆمارکراوە، بەوەش کۆی گشتی ژمارەی تووشبووان بۆ ٢٠٨ کەس بەرزبووەتەوە، لەنێویاندا ٣٥ حاڵەتی گیانلەدەستدان".
وتەبێژی وەزارەتی تەندروستی جەختی لەوە کردەوە کە ئاژەڵداران و قەسابەکان دەبێت ڕێوشوێنی خۆپارێزی بگرنەبەر، بە تایبەت لەگەڵ نزیکبوونەوەی جەژنی قوربان، هەروەها گرنگی بە نیشانەکان بدەن، لەوانە بەرزبوونەوەی پلەی گەرمی، ئازاری لەش و کۆلیکی ڕیخۆڵە، ئاماژەی بەوەشکردووە، “بەم نیشانانە پەنا بۆ نەخۆشخانە ببەن”. دەتوانێت ببێتە هۆی چاکبوونەوەی خێرا پێش ئەوەی گەشە بکات بۆ قۆناغی خوێنبەربوون.
