ئەمیندارێتی گشتی :دەروازەی ئور چوار ئاستەنگ چارەسەر دەکات
ناوخۆ
- 22-06-2022, 19:19
بەغداد/ـINA وسام الملا
ئەمیندارێتی گشتی ئەنجومەنی وەزیران ئەمڕۆ ڕۆژی چوارشەممە میکانیزمی پڕۆژەی حکومەتی ئەلکتڕۆنی دەستنیشانکرد و قۆناغەکانی جێبەجێکردنیشی خستەڕوو.
وتەبێژی ئەمیندارێتی حیدر مجید بەئاژانسی هەواڵی عێڕاقی ڕاگەیاند کە پڕۆژەی حکومەتی ئەلکتڕۆنی بەچەند قۆناغێکدا تێپەڕیوە یەکەمیان پڕۆژەی بەستنەوەی ئەمیندارێتی گشتیە بەسەرجەم وەزارەتەکانەوە ، هەروەها پڕۆژەی بەڕێوەبردنی بەڵگەنامە ئەلکتڕۆنیەکانە ، وتیشی کە پۆستەی ئەلکتڕۆنی بۆ 75 هەزار بەڵگەنامە بەکارهێنراوە لەنێوان ئەمیندارێتی گشتی و وەزارەتەکاندا.
هەروەها وتی قۆناغی دووەم بەستنەوەی فەرمانگە ودەستە سەربەخۆکان و پڕۆگرامی حکومەتی ئەلکتڕۆنی لەخۆدەگرێت کە لە ئەمیندارێتی
گشتی ئەنجومەنی وەزیران دامەزرێنراوە و هەروەها دەروازەیەکی ئەلکتڕۆنی دەکرێتەوە کە 90 خزمەتگوزاری ئەلکتڕۆنی لەخۆدەگرێت .
ئاماژەشی بەوەکرد کە ئەم دەروازەیە ئاسانکاری بۆ مامەڵەی هاوڵاتیان دەکات و گەندەڵی و بیرۆکراتی و ڕۆتین ناهێڵێت.
