سۆمۆ: بەرزترین داهاتمان لە مێژووی هەناردەکردنی نەوتدا بەدەستهێنا، نرخی نەوت لە 115 دۆلار دەمێننەوە

ناوخۆ

21-06-2022, 14:53

+A -A

بەغداد/INA

ئەمڕۆ سێشەممە، كۆمپانیای بەبازاڕكردنی نەوت (سۆمۆ) ڕایگەیاند، بەرزترین داهاتی لە مێژووی هەناردەكردنی نەوتی عێراقدا بەدەستهێناوە، هاوكات پێشبینیش دەكات نرخی نەوت لە مەودای 115 دۆلار بۆ هەر بەرمیلێك تا كۆتایی ئەمساڵ بمێنێتەوە.

"محەمەد سەعدون " بەڕێوەبەری توێژینەوەی بەبازارکردن لە سۆمۆ، بە ئاژانسی هەواڵی عێراقی (INA)ی ڕاگەیاند" ئێمە لە چوارچێوەی نرخێکی بەرزدا بازارکردن لەنەوت دەکەین، هەروەها تا ئێستا بەرزترین داهاتمان بەدەستهێناوە لە مێژووی هەناردەی نەوتی عێراق کە نزیکەی 11 ملیار دۆلار بۆ مانگی ڕابردوو بوە، و پێشبینی دەکەین بەم جۆرە بەردەوامبێت

راشیگەیاند"ئاماژەکان نیشان دەدەن کە نرخی نەوتی جیهانی ئەمساڵ لە 115 دۆلار دەمێنێتەوە.

سەعدون وتیشی: ئێمە لە چارەکی سێیەمی ئەمساڵداین، نرخەکان شاهیدی پاڵپشتی زیاتر دەبن و لە ماوەی سێ مانگی داهاتوودا جێگیر دەبن و بازاڕی نەوت شاهیدی تەحەدایە بەهۆی شەڕی رووسیا و ئۆکرانیا، کە کاریگەری لەسەر بووە، چونکە ڕووسیا یەکێکە لە وڵاتە سەرەکییەکانی بەرهەمهێنەر و هەناردەکردنی نەوت، هەروەها مانەوەی گەمارۆی ئەوروپی و لەوانەیە کاریگەری لەسەر بازاڕی ئەوروپا هەبێت و لەم لایەنەشەوە ئاژانسەکان پێشبینی کەمبوونەوەی بەرهەمهێنانی نەوتی ڕووسیا دەکەن کە لە نێوان ملیۆنێک و نیوێک مەزەندە دەکرێت ، ئەم ململانێیە کاریگەری لەسەر گەشەی ئابووری هەبووە و ئەمەش لە چاوەڕوانییەکانی خواستدا ڕەنگ دەداتەوە."

ئاشکراشیکرد کە زۆربه‌ی ده‌زگا نێوده‌وڵه‌تییه‌كانی وزه‌ پێداچوونه‌وه‌یان كردووه‌ته‌ سه‌ر پێشبینییه‌كانیان و ئه‌م چاوه‌ڕوانیانه‌یان له‌ 95 دۆلاره‌وه‌ بۆ 120 دۆلار وەک نرخی پێشبینیكراو بۆ ساڵی 2022 داناوە، بانكه‌ گه‌وره‌ نێوده‌وڵه‌تییه‌كان بۆ 115دۆلار ، هه‌ندێك كۆمپانیاش پێشبینیان كردووه‌ نرخ بگاته‌ 150 دۆلار.

ھەروەک وتیشی " بڕیاری یەکێتی ئەوروپا بۆ سەپاندنی گەمارۆی نەوتی ڕووسیا ڕاستەوخۆ لە داهاتە چاوەڕوانکراوەکانی ساڵی ٢٠٢٣دا ڕەنگ دەداتەوە، کە درێژدەبێتەوە بۆ ساڵی ٢٠٢٤، کە بۆ ١٢٠ دۆلار.