لە ئۆپراسیۆنێكدا والی تیرۆریستانی داعش لە ئەنبار و 3 هاوڕێی كوژران
ئەمنی
- 19-06-2022, 21:50
بەغداد - INA
دەزگای هەواڵگری ئەمڕۆ یەكشەممە، كوژرانی بەناو والی ئەنباری رێكخراوی تیرۆریستی داعش و 3 هاوڕێی لە بیابانەكانی پارێزگاكەدا راگەیاند.
دەزگای هەواڵگری لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: كاتێك سەركردە و ئەندامانی چەتەكانی داعش پێیان وابوو كە بیابانەكان لە چاوی عێراقەوە پەناگایەكی پارێزراو دەبێت بۆ ئەوان، پیاوانی دەزگای هەواڵگری و لێكۆڵینەوەكانی فیدراڵی لە وەزارەتی ناوخۆ، ئەم بیابانەیان كردە دۆزەخ بۆ ئەو سەركردە و ئەندامە تاوانبارانە.
ئاشكراشیكرد: پیاوانی دەزگای هەواڵگری بۆسەیان بۆ ئەبو مەنسور بەناو والی تیرۆریستانی داعش لە پارێزگای ئەنبار و 3 هاوڕێی دانا، و دوای ئەوەی بە هەماهەنگی لەگەڵ شانەی ئامانجی فەرماندەیی ئۆپەراسیۆنە هاوبەشەكان چاودێریان كرا، بەپێی زانیاریە پشتڕاستكراوەكان سەبارەت بەوەی كە لە بیابانی ئەنباردا لە ئۆتۆمبێلەكەیاندا لە كوێوەو بۆ كوێ دەڕۆن، گورزێكیان لێدراو كوژران.
ئاشكراشیكرد: ئەو تیرۆریستە تاوانبارە كوژراوە یەكێكە لەو كەسانەی كە لە ڕێگەی نێودەوڵەتی روتبە هاوڵاتیانیان دەكردە ئامانج و هەروەها لە پۆستێكی هەبووەو لە نێوان عێراق و سوریادا هاتووچۆی كردووە.
تەئكیدیشیكردەوە: بەم دەستكەوتە گەورەیەی دەزگای هەواڵگری و لێكۆڵینەوەی فیدراڵی، چەتەكانی داعش یەكێك لە سەركردە تاوانبارە گرنگەكانیان لە دەستداو.
