باڵیۆزی یەكێتی ئەوروپا: هاوردەكردنی نەوتی عێراق بژاردەیەكی باشە بۆ ئێمە

سیاسی

19-06-2022, 20:14

+A -A

بەغداد - INA

ڤیلا فاریولا باڵیۆزی یەكێتی ئەوروپا لەبەغدا ئەمڕۆ یەكشەممە ڕایگەیاند: هاوردەكردنی نەوتی عێراق بژاردەیەكی باشە و هاوكات ئاماژەی بەگرنگی تەواوكردنی ئەركەكانی كاغەزی سپیش كرد لەلایەن حكومەتی نوێوە.

فاریولا لەلێدوانێكیدا بۆ ئاژانسی هەواڵی عێراقی راگەیاند: گۆڕاوەكان لە بازاڕی نەوتدا بە خستنەڕو و داواكاریش كاریگەرییەكی بەرچاویان هەیە لە شەڕی ڕووسیا و ئۆكرانیا و تێكەوتە ئابوورییەكانی و هەروەها ڕووی چەندین وردەكاری و گەرەنتی و لەو ڕێگەیەوە بابەتەكە رەمزی خۆی هەیە.

ئاشكراشیكرد: وڵاتانی ئەوروپا لە گەڕانن بەدوای هاوبەش و جێگرەوەی نوێدان لەسەر دۆسیەی هاوردەكردنی نەوت، بەڵام هاوردەكردنی نەوتی عێراق بژاردەیەكی باشە بۆ ئێمە.

وتیشی: ئابووری عێراق چەندین توانای هەیە و دەرفەتی هەیە، ئابوورییەكی هەمەجۆرە و ئەم هەمەچەشنییە لە هەمان كاتدا ڕەنگە تەنها بەرەكەت نەبێت بۆ ئێمە و لەناو ئەو لیژنەیەی پشتیوانی لە پێشكەوتنە ئابوورییەكانی عێراق دەكەین و داوا لە حكومەتی عێراق دەكەین بە شێوەیەكی بەرچاو هەنگاوەكانی لە جێبەجێكردنی كاغەزیسپیدا پەرە پێ بدات و زۆر گرنگە ئەم ئەركانە لە لایەن حكومەتی نوێوە تەواو بكرێن.

پێشتر كۆمپانیای بازاڕكردنی نەوت (سومۆ) ئاشكرایكرد: كە فەڕەنسا لە ئەگەری دابینكردنی نەوتی عێراق بۆ بازاڕی ئەوروپا نزیك بووەتەوە.