بەرگری شارستانی ئاگرێکی لەناوەڕاستی بەغدا کۆنترۆڵکرد
ناوخۆ
- 17-06-2022, 22:10
بەغداد/ INA
ئەمڕۆ هەینی، بەڕێوەبەرایەتی بەرگری شارستانی ڕایگەیاند، ئاگری لە بینای خیام لە ناوچەی ئەلباب ئەلشەرقی لە ناوەڕاستی بەغدا، کەوتەوە .
بەڕێوەبەرایەتییەكە لە راگەیەندراوێكدا كە دەست ئاژانسی هەواڵی عێراقی (INA)كەوتووە ئاماژەی بەوەكردووە، "تیمەكانی بەرگری شارستانی توانیان ئاگركە کۆنترۆڵبکەن كە لەناو پێنج دوكانی بازرگانی جۆراوجۆر لەناو بینای خەیام لە ناوچەی باب الشەرقی لە ناوەڕاستدا بەغداد روویداوە."
ئاماژەی بەوەشکردووە، "تیمەکانی بەرگری شارستانی توانیان مەترسییەکانی بڵاوبوونەوەی ئاگرەکە بۆ دوکانەکانی نزیکیان دووربخەنەوە و بەبێ زیانی گیانی کۆتاییان بە ڕووداوی ئاگر کەوتنەوەکە هێنا و تەنھا چەند زیانێکی ماددی سنووردار تۆمارکرا.
