وەزیری پلاندانان جەخت لەسەر هەمواركردنەوەی كۆنتڕۆڵ و ڕێنماییەكان دەكاتەوە بۆ پشتگیریكردنی پڕۆژە مامناوەندەكان
ناوخۆ
- 15-06-2022, 15:56
بەغدا –INA -
ئەمڕۆ چوارشەممە خالد بەتال ئەلنەجم وەزیری پلاندانان جەختی لە هەمواركردنەوەی پەیڕەو و رێنماییەكان بۆ پاڵپشتیكردنی پڕۆژە مامناوەندەكان كرد.
نوسینگەی راگەیاندنی وەزارەتی پلاندانان لە راگەیەندراوێكدا كە وێنەیەكی دەست ئاژانسی هەواڵی عێراق (INA ) كەوتووە ئاماژەی بەوەكردووە كە خالد بەتاڵ وەزیری پلاندانان، ئەمڕۆ سەرپەرشتی كۆبوونەوەیەكی فراوانكراوی كرد لە ئەنجومەنی گەشەپێدانی كەرتی تایبەت بە ئامادەبوونی سوها ئەلنەجار لێپرسراوی كەرتی تایبەت لە دەسەڵاتی نیشتمانی وەبەرهێنان و نوێنەرانی فیدراسیۆن و سەندیكا و كۆمەڵەكانی سەر بە كەرتی تایبەت، هەروەها هەردوو جێگری سكرتێری وەزارەتی پلاندانان، و نوێنەرانی وەزارەتەكان و لایەنە پەیوەندیدارەكان.
بتال لە میانی كۆبوونەوەكەدا جەختی كردەوە كە ئەنجومەنەكە بەپێی دیدێكی روون كار دەكات بە ئامانجی پێشخستنی واقیعی كەرتی تایبەت لە رێگەی چەندین سیاسەت و رێكارەوە كە دەتوانێت بەشداری لەم لایەنەدا بكات، ئاماژەی بە مەیلی كارئاسانی رێكارەكان بۆ پشتیوانیكردن و دامەزراندنی كۆمپانیای سادە، كە دەتوانێت بۆ ڕاكێشانی گەنجان لە بارودۆخی گونجاودا، بە ئاسانكاریكردن لە ڕێكارەكانی تۆماركردنیان، و پێدانی قەرزی ئاسان.
جەختی لەوە كردەوە، كاركردن بۆ هەمواركردنەوەی كۆنتڕۆڵ و ڕێنماییەكان بۆ پشتگیریكردنی پڕۆژە مامناوەندەكان و هاندانی سەرمایەی بچووك، و ئەمەش پێویستی بە پەرەپێدانی كارامەیی هەیە و دابینكردنی ئینكوباتۆری بازرگانی.
لە كۆبوونەوەكەدا شاهیدی گفتوگۆكردن لەسەر ژمارەیەك پرس و دۆسیەی پەیوەست بە گەشەپێدانی كەرتی تایبەت بوو، هەروەها ئەنجومەن ڕێوشوێن و ڕاسپاردەی پێویستی لەم بارەیەوە گرتەبەر.
