نێچیرڤان بارزانی: به نیگه‌رانییه‌وه له دوا پێشهاته سیاسییه‌کانی عیراق ده‌ڕوانین
سیاسی
- 13-06-2022, 18:56
هەولێرـINA
نێچیرڤان بارزانی، سەرۆکی هەرێمی کوردستان لە تویتێکدا سەبارەت بەدواپێشهاتەکانی سیاسی عێراق کە ئاژانسی هەواڵی عێراقی (INA) وەریگرتووە ئەمڕۆ رایگەیاند: به نیگه‌رانییه‌وه له دوا پێشهاته سیاسییه‌كانی عێراق ده‌ڕوانێت و داواشی له لایه‌نه كوردستانییه‌كان كرد یه‌كڕیز و یه‌كگرتوو بن.
نێچیرڤان بارزانی سه‌رۆكی هه‌رێمی كوردستان له تویته‌كه‌دا ڕایگه‌یاند "به نیگه‌رانییه‌وه له دوا پێشهاته سیاسییه‌کانی عیراق ده‌ڕوانین".
ڕاشیگه‌یاند "هیوادارین هیچ ئاڵۆزی و پشێوییه‌ک نه‌یه‌ته ئاراوه و ئه‌نجوومه‌نی نوێنه‌ران نوێنه‌رایه‌تیی هه‌موو عیراقییه‌کان بکات".
سه‌رۆكی هه‌رێمی كوردستان داواشی له هه‌موو لایه‌نه کوردستانییه‌کان كرد یه‌کڕیز و ته‌با و یه‌کگرتوو بن.
