سەید سەدر دامودەزگاكانی سەر بە رەوتی سەدر دادەخات

سیاسی

12-06-2022, 22:01

+A -A

بەغداد - INA

سەید موقتەدا سەدر رابەری ڕەوتی سەدر ئەمڕۆ یەكشەممە، بڕیاریدا بە داخستنی دامودەزگاكانی سەر بە رەوتی سەدر.

نوسینگەی تایبەتی سەید سەدر لە بەیاننامەیەكدا كەدەست ئاژانسی هەواڵی عێراقی كەوتووە، دەڵێت: بە پێی راسپاردەی سەماحەتی فەرماندە سەید موقتەدا سەدر، بڕیاردراوە هەموو دامەزراوەكانی سەر بە رەوتی سەدر لە قۆناغی ئێستادا دابخرێت، جگە لەو دامەزراوانەی كە لە خوارەوە ناویان هاتووە:

1-دەزگای مەرقەدی شەریف بە هەموو جومگە ئیدارییەكانییەوە.

2-نوسینگەی سەید شەهید (قدس سیرە) / نەجەفی پیرۆز.

3-نوسینگەی تایبەت.

4-دەستەی كەلەپووری سەید شەهید (قدس سیرە)

5-برانی سەید شەهید (مۆزەخانە).

6-پرۆژەی پێكهاتەكە.

ئاشكراشیكرد: پێویستە ئەو شەش دامەزراوەیەی لەسەرەوە ناویان هاتووە بەردەوام بن لە كاركردن بەپێی چوارچێوەی ئیداری پێشوو.