كازمی ماتەمینی خۆی بۆ كۆچی دوایی موئەید بەدری راگەیاند و بریاریدا تەرمەكەی بگوازرێتەوە بۆ عێراق

سیاسی

11-06-2022, 19:26

+A -A

بەغداد - INA

مستەفا كازمی سەرۆك وەزیران ئەمڕۆ شەممە، بەبۆنەی كۆچی دوایی گەورەی كۆمێنتارانی وەزرشی عێراقی موئەید بەدری پرسەی ماتەمینی خۆی راگەیاند و هەروەك ئاماژەی بە گواستنەوەی تەرمەكەی كرد بۆ عێراق.

وەزارەتی وەرزش و لاوان لەبەیاننامەیەكدا كەدەست ئاژانسی هەواڵی عێراقی كەوتووە، دەڵێت: مستەفا كازمی سەرۆك وەزیران سەرەخۆشی خۆی بەبۆنەی كۆچی دوایی كەسایەتی وەرزشی ناسراوی نێودەوڵەتی و كیشوەری و عەرەبی موئەیەد بەدری گەورەی كۆمێنتارانی عێراقی كرد راگەیاند، كە دوای ژیانێكی پڕ لە بەخشین و كاركردن لە خزمەتی گەل و كۆمەڵگەی وەرزشیدا، لە سكۆتلەندای باكوری شانشینی یەكگرتوو كۆچی دواییكرد.

لە بەیاننامەكەدا ئاماژە بۆ ئەوەشكراوە: كە كازمی بریاریداوە بە گواستنەوەی تەرمی كۆچكردووی بۆ بەغداد و ئەنجامدانی پرسە فەرمیی كە شایستەی ناو و پێگەكەی و مێژووی دەوڵەمەندی بێت.

هەروەك كازمی دڵگرانی و هاوخەمی قووڵی دەربڕی بۆ كۆچی ئەو كەسایەتییە كۆمەڵایەتی و نەتەوەیی و وەرزشییەی كە نمونەی بەخشین و باڵا بوو.

وتیشی: نیشتمان یەكێك لە كەسایەتییە كاریگەر و وەرزشی و كۆمەڵایەتیەكانی لە دەست داوە.

لای خۆیەوە كوڕی كۆچكردوو "زیدون" سوپاس و پێزانینی خۆی ئاراستەی مستەفا كازمی سەرۆك وەزیران و وەزیری وەرزش و لاوان كاپتن عەدنان دەرجال-ی كرد بۆ بەدەمەهاتن و بەخشندەییان.