تەندروستی: بە تای خوێنبەربون 162 حاڵەتی توشبوون و 27 حاڵەتی مردن تۆماركراوە
ناوخۆ
- 11-06-2022, 14:26
بەغداد - INA
وەزارەتی تەندروستی ئەمڕۆ شەممە، یەكەم حاڵەتی گیانلەدەستدانی بە تای خوێنبەربوون لە شاری هەولێر راگەیاند و هاوكات ئامارێكی نوێی لەسەر ژمارەی گیانلەدەستدان و توشبوانی نەخۆشیەكە بڵاوكردەوە.
دكتۆر سەیف بەدر وتەبێژی وەزارەتی تەندروستی بە ئاژانسی هەواڵی عێراقی ڕاگەیاند: لە سەرەتای ئەمساڵەوە وەزارەت 162 حاڵەتی تای خوێنبەربوونی تۆماركردووە كە 27 حاڵەتی مردنیشی تێدایە.
ئاشراشیكرد: نیوەی توشبووان چاكبوونەتەوە، لە كاتێكدا یەكەم حاڵەتی گیانلەدەستدان بە نەخۆشیەكە لە هەولێر تۆماركراوە.
ئاماژەی بۆ ئەوەشكرد: گرنگە كە هۆشیاری لە ناو هاوڵاتیان سەبارەت بەم نەخۆشییە هەبێت.
پارێزگاری بەغداد محەمەد جابر عەتا پێشتر پێكهێنانی ژووری ئۆپەراسیۆنە هاوبەشەكانی ڕاگەیاند بۆ گەشەپێدانی پلانی هۆشیاری بەپەلە بۆ چارەسەركردنی تای خوێنبەربوون.
