وەفدی پەرلەمانی ئەڵمانی لەگەڵ سەرۆکی ھەرێم تاوتوێی ئازدییەکان و مافەکانی ژنان و گۆرانکارییەکانی ژینگەوکەش و ھەوا دەکات
سیاسی
- 8-06-2022, 18:29
ھەولێر/INA
ئەمرۆ چوارشه‌مە، نێچيرڤان بارزانى، سه‌رۆكى هه‌رێمى كوردستان، لەمیانەی پێشوازىکردن له وەفدێکی په‌رله‌مانى ئه‌ڵمانيا کە پێکھاتبوون له هه‌ردوو په‌رله‌مانتار " قاسم تاهر ساڵح " و "ماكس لوكس " و وەفدی ھاورێ و كونسولى گشتيى ئه‌ڵمانيا به وه‌كاڵه‌ت له هه‌رێمى كوردستان. نووسینگەی ڕاگەیاندنی سەرۆک هەرێمی کوردستان لەڕاگەینراوێکدا کە کۆپیەک بۆ ئاژانسی هەواڵی عێراقی (INA) ناردووە ڕاگەیاندوەە" لەکۆبوونەوەیەکدا په‌يوه‌ندييه‌كانى هه‌رێمى كوردستان و ئه‌ڵمانيا و دۆخى ناوخۆى هه‌رێمى كوردستان، په‌يوه‌ندييه‌كانى هه‌ولێر ـ به‌غدا و ژينگه و كاريگه‌رييه‌كانى گۆڕانى كه‌ش وهه‌وا و لێكه‌وته‌كانى له‌سه‌ر عيراق و هه‌رێمى كوردستان و پرسه‌كانى مافى مرۆڤ و يه‌كسانى و گه‌نجان و ئازادييه‌كان و ئازاديى ڕاده‌ربڕين تاوتوێ كران.
لەوبارەیەوە "نێچيرڤان بارزانى" جه‌ختى كرده‌وه کە سەرەڕای كه‌موكوڕى و تێبينى ده‌رباره‌ى ئازادييه‌كان و پاراستنى مافه‌كانى ئافره‌ت و يه‌كسانى، هه‌رێمى كوردستان له‌سه‌ر ڕێگه‌ى ڕاست ده‌ڕوات و به‌ره‌و ئاينده‌يه‌‌كى باشتر به‌رده‌وام ده‌بێت له‌و هه‌نگاوه ئه‌رێنييانه‌ى له‌م بوارانه‌دا دەنرێت ، هاوکات پێشوازى له تێبينى و هاوكاريى دۆستان له كۆمه‌ڵگه‌ى نێوده‌وڵه‌تى ده‌كات.
لەبەشێکی دیکەی ڕاگەیندراوەکەدا هاتووە کە لاى خۆيەوە وەفدی ميوان دووپاتيان كرده‌وه كه ئه‌ڵمانيا به بايه‌خه‌وه له دۆستايه‌تى و پێگه‌ى هه‌رێمى كوردستان ده‌ڕوانێت و به هاوبه‌شێكى گرنگى خۆی ده‌بينێت ، ھەروەک به گرنگيى باسیان لە كولتوورى پێكه‌وه‌ژيان و ته‌بايى و لێبورده‌يى له‌نێو پێكهاته‌كانى هه‌رێمى كوردستاندا كرد و به سيمايه‌كى جوانيان له قه‌ڵه‌م دا.
بایدن ڕێککەوتنی ئاگربەست لە لوبنان ڕادەگەیەنێت
- جیهانی
- 12:11
