لیژنەیەكی پەرلەمانی : بە وردی لە گرێبەستەكانی كارەبا دەكۆڵێتەوە
ناوخۆ
- 8-06-2022, 16:00
بەغدا - INA- ویسام ئەلمەلا
ئەمڕۆ چوارشەممە جێگرە سەربەخۆكان پێكهێنانی لیژنەیەكی پەرلەمانی مەیدانییان بۆ وردبینی گرێبەستەكانی كارەبا ڕاگەیاند، هاوكات ئاماژەیان بە ئەنجامدانی كۆبوونەوەی هاوبەش لەگەڵ وەزیرانی كارەبا و دارایی و نەوت كرد بۆ ئەوەی چارەسەری واقیعیانە سەبارەت بە قەیرانی وزە بدۆزنەوە.
نوێنەری پەرلەمان هادی سەلامی لە كۆنگرەیەكی رۆژنامەوانیدا كە لە باڵەخانەی پەرلەمان بە بەشداریی نوێنەرانی سەربەخۆ و بە ئامادەبوونی پەیامنێری ئاژانسی هەواڵی عێراقی (INA) بەڕێوەچوو رایگەیاند : لەبەر رۆشنایی پچڕانی كارەبا لە سەرجەم پارێزگاكان لەگەڵ بەرزبوونەوەی پلەكانی گەرما، گروپێك لە جێگرانی سەربەخۆ رێككەوتن لەسەر پێكهێنانی لیژنەیەك بە مەبەستی كۆكردنەوەی هەوڵ و وزە بۆ بەهێزكردنی ڕۆڵی چاودێری.
ئاماژەی بەوەشكرد : لە كۆبوونەوەكەدا گەشتی مەیدانی ئەنجام دەدرێت بۆ زانینی ئەو ئاستەنگ و كێشانەی تەكنیكی و كارگێڕی كە رێگرن لە بەرەوپێشچوونی كاری كارەبا و گرێبەستی بەدواداچوون بۆ پڕۆژەكانی ناو وەزارەت، لەنێویاندا ئەوانەی بە قەرز پارەدار دەكرێن، ئاماژەی بەوەشكردووە ئەمە ئامانجە بۆ چارەسەركردنی كێشەی بەرهەمهێنان و دابەشكردن و گواستنەوە و پلانی داهاتوو.
ئاماژەی بەوەشكرد : هەروەها لیژنەكە كۆبوونەوەی هاوبەش لەگەڵ وەزیرانی كارەبا و دارایی و نەوت ئەنجام دەدات، بۆ ئەوەی چارەسەری واقیعی بۆ قەیرانی وزە بدۆزرێتەوە.
