ئەندامێكی لیژنەی دارایی تاكە ڕێگای تێپەڕاندنی یاسای ئاسایشی خۆراك بێ تانەی دادگا دیاریدەكات
سیاسی
- 5-06-2022, 19:16
بەغداد - INA
ئەندامی لیژنەی دارایی پەرلەمانی عێراق ئیخلاس دلێمی ئەمڕۆ یەكشەممە، تاكە ڕێگای بۆ تێپەڕاندنی پرۆژەیاسای ئاسایشی خۆراك بەبێ ئەوەی دادگا تانەی لێبدات دیاریكرد.
دلێمی لە لێدوانێكیدا بەئاژانسی هەواڵی عێراقی ڕاگەیاند: خاڵەكانی ناكۆكی سەبارەت بە پرۆژەیاسای ئاسایشی خۆراك ئەوەیە كە دەروازەی تێدایە بۆ وەبەرهێنان و گەشەپێدانی پیشەسازی، وتیشی: زۆربەی كوتلە سیاسییەكان ئەم دەروازانە ڕەتیدەكەنەوە لەناو یاساكەدا هەبێت چونكە دەترسن پارەكە بەفیڕۆ بدرێت لەبەرئەوەی حكومەتی ئێستا لەچوارچێوەی كاربەڕێكەردایە.
ئاماژەی بۆ ئەوەشكرد: یاساكە بەبێ تانەی دەسەڵاتی دادوەری تێدەپەڕێت ئەگەر بۆ پشتگیریكردنی كۆبوونی خۆراك و دەرمان و كارەبا تەرخانبكرێت، وتیشی: ئەم لایەنانە پەیوەستە بە قوتی هاونیشتمانیان و كەسیش جورئەت ناكات تانەی لێبدات.
پێشتریش سەرۆكی لێژنەی دارایی حسن كەعبی ڕایگەیاند كە زیاتر لە یەك ترلیۆن دینار دانراوە بۆ چارەسەركردنی كێشەی چوار توێژ، ئاماژەشی بەوەكرد كە داراییە دابینراوەكان بەگوێرەی وەزارەت و پارێزگاكان دەبێت لەكاتی دەنگدان لەسەری .
كەعبی لەمیانەی كۆبوونەوی لێژنەكە كە پەیامنێری ئاژانسی هەواڵی عێڕاقی ئامادەی بوو وتی ئەم كۆبوونەوەیە لەپێناو دەنگدانە لەسەر پڕۆژەیاساكە لەناو لێژنەكەدا و دەنگدانە لەسەر یاساكە پێش تەواوبوونی وەرزی یاسایی پەرلەمان، ڕوونیشی كردەوە كەیاساكە پارەی پێویست دابین دەكات بۆ وەزارەتی بازرگانی بۆ كڕینی گەنم و دانەوێڵەی ناوخۆ و هاوردە وشایستە داراییەكانی جوتیاران و پارەی وەزارەتی كارەبا بۆ دابینكردنی وزە بۆ وەرزی هاوین وهەروەها پارە پترۆدۆلاریش بۆ ئەو پارێزگایانە دابینكراوە كە نەوت بەرهەمدێنن.
هەروەها كەعبی وتی كە یاساكە كێشەی وانەبێژان و گرێبەستەكان و خاوەن بڕوانامەكان چارەسەر دەكات، چونكە ئەم توێژانە ماوەی پێشوو لەبەر نەبوونی بوودجە كێشەیان بۆ دروستبوو.
وتیشی كە یاساكە بڕەپارەیەك دابیندەكات بۆ قەرەبووكردنەوەی ئەو پارێزگایانەی كە لەژێر دەستی داعشدا بوون، وتیشی كە بڕەپارەكان پاش دەنگدان بەگوێرەی وەزارەت و پارێزگاكان
خەرج دەكرێت.
بڕیارەکانی ئەنجومەنی وەزیران لە دانیشتنی ئەمڕۆدا
- سیاسی
- 09:15