كۆمپانیای بازرگانی دانەوێڵە: تائێستا لە كەركوك 65 هەزار تۆن گەنمی جوتیاران وەرگیراوە
ناوخۆ
- 4-06-2022, 17:11
كەركوك - INA- مەهدی ربحاوی
كۆمپانیای گشتی بازرگانی دانەوێڵە لە كەركوك ئەمڕۆ شەممە، ڕایگەیاند: زیاتر لە 65 هەزار تۆن گەنمی جوتیارانی وەرگرتووە.
حسێن قەنبەر بەڕێوەبەری لقی كەركوكی كۆمپانیای بازرگانی دانەوێڵە بەئاژانسی هەواڵی عێراقی ڕاگەیاند: تائێستا دەروازەكانی بازاڕكردن لە كەركوك زیاتر لە 60 هەزار تۆن گەنمیان وەرگرتووە و هێشتا پرۆسەی دروێنەكردنیش لە چەند ناوچەیەكی پارێزگاكە بەردەوامە.
وتیشی: كۆمپانیاكە لە ماوەی 72 كاتژمێردا كار بۆ گەیاندنی پارەی جوتیاران دەكات و پرۆسەكەش بەشێوەیەكی ئاسایی و ئەرێنی ئەنجام دەدرێت و ئەمەش وایكردوە كە جوتیاران بە باشی ڕوو لە دەروازەكانی بازاڕكردن بكەن.
ئاشكراشیكرد: پرۆسەی ڕادەستكردن لە ناوەندەكانی كەركوك و تازە و حەویجە و ڕیاز بە هەوڵ و هەماهەنگی لەگەڵ لایەنە ئەمنییەكان و تەكنیكی و خزمەتگوزارییەكان بەڕێوەدەبرێت.
