كازمی: عێراق گرنگییەكی زۆر بە پەرەپێدانی پەیوەندییەكانی لەگەڵ ئەمریكا دەدات

بەغدا - INA
ئەمڕۆ پێنجشەممە، مستەفا كازمی سەرۆك وەزیران دووپاتیكردەوە كە عێراق گرنگییەكی زۆر بە پەرەپێدانی پەیوەندییەكانی لەگەڵ ویلایەتە یەكگرتووەكانی ئەمریكا لە بوارە جیاجیاكاندا دەدات.
 نوسینگەی ڕاگەیاندنی سەرۆك وەزیران لە راگەیندراوێكدا كە دەستی ئاژانسی هەواڵی عێراقی  گەیشتووە ڕایگەیاند، كە "كازمی پێشوازی لە باڵیۆزی ئەمریكا لە عێراق، ئالینا ڕۆمانۆڤسكی، و شاندی یاوەری كردووە، بە بۆنەی دەستبەكاربوونی لە ئەركی نوێكەی."
لەمیانی دیدارەكەدا سەرۆك وەزیران دووپاتی كردەوە كە "عێراق گرنگییەكی زۆر بە پەرەپێدانی پەیوەندییەكانی لەگەڵ ویلایەتە یەكگرتووەكانی ئەمەریكا لە بوارە جیاجیاكاندا دەدات، بۆ بەرژەوەندی هاوبەش و درێژخایەنی گەلانی عێراق و ئەمەریكا، هەروەها ئەم پەیوەندییە دەتوانێت پێشكەوتنی زیاتر بەدی بهێنێت". لە هەمان كاتدا بەرزكردنەوەی تێگەیشتنی هاوبەش لە دیدگای هەردوو لایەنەكە." و وەرگرتنی ئامرازەكانی حیكمەت و گفتوگۆ.
كازمی، بەپێی راگەیندراوەكە، خواستی حكومەتی عێراقی دەربڕیوە بۆ هاوكاری و كاركردن بۆ چەسپاندنی سەقامگیری ناوچەیی و نێودەوڵەتی، بە شێوەیەك كە ئاسۆی پێشكەوتنی ئابووری و گەشەسەندنی بەردەوام بۆ گەلی عێراق و هەموو گەلانی ناوچەكە بەرز بكاتەوە.
نوسینگەی راگەیاندنی سەرۆكی ئەنجومەنی وەزیران رایگەیاند، "لە میانی كۆبوونەوەكەدا جەخت لەسەر بەردەوامبوونی هاوكاری و هەماهەنگی ئەمنی كرایەوە لە بواری بەرەنگاربوونەوەی تیرۆردا، هەروەها لە چوارچێوەی مەشق و راهێنان و راوێژكاری هێزە ئەمنییەكانی عێراقدا".
لای خۆیەوە باڵیۆز رۆمانۆڤسكی دووپاتی كردەوە كە ویلایەتە یەكگرتووەكانی ئەمریكا چاوەڕێی هاریكاری نزیكترە لەگەڵ عێراق لە بوارە جیاجیاكان بە تایبەت بوارە ئابوری و رۆشنبیری و پەروەردەییەكان، سەرسامی خۆی دەربڕی بە گەڕانەوەی عێراق بۆ گێڕانی رۆڵێكی سەرەكی لە ناوچەكەدا، و ئەو... كاریگەری ئەرێنی لە ئاستی ناوچەیی و ناوخۆییدا.