لیژنەی تەندورستی داوای دامەزراندنی دەرچوانی كۆلێژ و پەیمانگا پزیشكییەكان دەكات

بەغداد  - INA
لیژنەی تەندروستی لە ئەنجومەنی نوێنەران ئەمڕۆ چوارشەممە، ڕایگەیاند: داواكارییەكییان پێشكەش كردووە بۆ دامەزراندنی دەرچوانی كۆلێژە پزیشكیەكان و پەیمانگا و كۆلێژە تەندروستییەكان.
سەرۆكی لیژنەی تەندروستی پەرلەمان لیقا یاسین لەمیانەی میوانداریكردنی وەزیری تەندروستی هانی عەقابی و كادرانی پێشكەوتووی وەزارەت، لە لێدوانێكیدا كە پەیامنێرێكی ئاژانسی هەواڵی عێراقی ئامادەیبوو، رایگەیاند: دەرچووانی پەیمانگا و كۆلێژە پزیشكی و تەندروستیەكانی ساڵی 2021 كە نزیكەی ساڵێك پێش ئێستا دەرچوون و تا ئێستا دانەمەزراون ، لەسەر بنەمای یاسای 6ی ساڵی 2000 و هەمواركراوەكانی تەئكید لە دامەزراندنیان دەكرێتەوە.
ئاماژەی بۆ ئەوەشكرد: وەزارەتی تەندروستی لە 12ی ئایاری 2022  لە نوسراوێكدا بە واژۆی وەزیری تەندروستی  كە بۆ سكرتارییەتی گشتی ئەنجومەنی وەزیران نێردراوە، داوای دامەزراندنی ئەو كەسانە دەكات، بە جیا لە یاسای بودجە كە پێویستییەك هەیە بۆ خزمەتگوزارییەكانیان لەدامەزراوە تەندروستییەكان، وتیشی: پێویستە دەرچوان دابمەزرێن.
ئاشكراشیكرد: كاتێك پێویستی دامودەزگا تەندروستییەكان دابین نەكراوە، ئەوا هاوڵاتی عێراقی نەیتوانیوە خزمەتێكی تەندروستی شایستە بەدەست بهێنێت.