وەزارەتی نەوت: داهاتی نەوت لە مانگی رابردوودا زیاتر لە 11 ملیار دۆلار بووە
سیاسی
- 1-06-2022, 13:16
بەغداد ـ INA
وەزارەتی نەوتی عێراق ئەمڕۆ چوارشەممە، رایگەیاند: هەناردەو داهاتی مانگی ئایاری رابردوو زیاتر لە 11 ملیار دۆلارە.
وەزارەتی نەوت لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: لە مانگی ئایاری رابردوودا بڕی هەناردەكردنی نەوتی خاو (102) ملیۆن و (303) هەزار و (20) بەرمیل بوە، بە داهاتی 11.436 ملیار دۆلار.
ئاشكراشیكردوە: كۆی گشتی نەوتی خاوی هەناردەكراو بۆ مانگی ئایار لە كێڵگە نەوتییەكانی ناوەڕاست و باشووری عێراق بڕی 98 ملیۆن و 946 هەزار و 914 بەرمیل بووە، هەروەها هەناردەی نەوتی كەركوك لەڕێگەی بەندەری جیهانەوە 3 ملیۆن دوو هەزار و 133 بەرمیل بوە.
وەزارەتی نەوت رونیشیكردەوە: بەكۆی گشتی رۆژانە بڕی 3 ملیۆن و 300 هەزار بەرمیل هەناردەكراوەو تێكڕای نرخ بۆ هەر بەرمیلێك 111.79 دۆلار بوە.
