كۆبونەوەی پەرلەمانی بۆ چارەسەری كەمی كارەبا و ڕێكخستنی كاری مۆلیدە ئەهلیەكان
سیاسی
- 30-05-2022, 13:50
بەغداد - INA
لیژنەی تایبەتی پەرلەمان بۆ بەدواداچوونی قەیرانی كارەبا ئەمڕۆ دووشەممە، كۆبوونەوەیەكی ئەنجامدا بۆ چارەسەركردنی كەمی كارەباو ڕێكخستنی كاری مۆلیدە ئەهلیەكان.
نوسینگەی راگەیاندنی جێگری سەرۆكی پەرلەمان لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: شاخەوان عەبدوڵڵا جێگری سەرۆكی ئەنجومەنی نوێنەران سەرۆكایەتی دووەم كۆبوونەوەی لیژنەی تایبەتی پەرلەمانی كرد كە لە ئەندامانی لیژنەكانی كارەباو وزەو نەوت و گاز پێكهێنراوە بۆ بەدواداچوونی قەیرانی كارەبا و گفتوگۆكردن لەسەر ڕێگاكانی چارەسەركردنی كەمی كارەباو ڕێكخستنی كاری مۆلیدە ئەهلیەكان و جێگیركردنی نرخی ئەمپێری مۆلیدە بۆ ئاسانكردنی باری هاوڵاتیان.
ئاشكراشیكرد: كۆبوونەوەكە بەئامادەبوونی ژمارەیەك لەبەرپرسانی وەزارەتەكانی كارەباو نەوت لەگەڵ نوێنەری كۆمەڵەی مۆلیدە ئەهلیەكان لەپارێزگاكان بەڕێوەچوو.
