پرۆسەی وەرگرتنی گەنمی جوتیارانی هەرێمی كوردستان لە ئەمڕۆوە لەسایلۆی هەولێرەوە دەستیپێكرد
ناوخۆ
- 28-05-2022, 21:31
هەولێر -INA
بەئامادەبونی وەزیری بازرگانی و پیشەسازی حكومەتی هەرێمی كوردستان پرۆسەی وەرگرتنی گەنم لە جوتیاران دەستیپێكرد.هەروەها شاندێكی وەزراەتی بازرگانی ناوەند بەشداربوون لەوەرگرتنی گەنمی جوتیاران.پاش ئەنجامدانی ڕێكارەكانی وەرگرتن و پشكنین بۆ گەنمەكە، لەلایەن سایلۆی هەولێرەوە وەرگیرا.
لەئێستادا وەرزی بەبازاڕكردنی گەنمی جوتیارانەو وەزارەتی بازرگانی‌و پیشەسازی لەگەڵ وەزارەتی بازرگانی عێراق بڕی (٨٥٠) هەزار دینار بۆ كڕینی هەر تەنێك لەگەنم دەدەنە جوتیاران‌و بڕیاریشە لەدو ڕۆژی داهاتودا سەرجەم سایلۆكان بەڕوی جوتیاراندا بكرێنەوە.
