به‌هۆی نه‌خۆشیه‌وه وه‌زیری سامانه سروشتیه‌كانی حكومه‌تی هه‌رێم ده‌ستی له‌كاركێشاوه
سیاسی
- 26-05-2022, 10:21
هه‌ولێرـ INA
دكتۆر كه‌مال ئه‌تروشی وه‌زیری سامانه سروشتیه‌كانی حكومه‌تی هه‌رێمی كوردستان به‌هۆی تێكچوونی باری ته‌ندروستی ده‌ستی له‌كار كێشاوه.
له راگه‌یندراوێكی نووسینگه‌ی سه‌رۆكی حكومه‌تی هه‌رێمی كوردستان كه كۆپیه‌ك به‌ده‌ستی ئاژانسی هه‌واڵی عێراقی (INA) كه‌تووه هاتووه" لە ماوەی ڕابردوودا باری تەندروستیی بەڕێز دکتۆر کەمال ئەتروشی وەزیری سامانە سروشتیەکان جێگیر نەبووە، بۆیە چەندین جار بە مەبەستی چارەسەری مۆلەتی وەرگرتووە. ئێستاش دووبارە بەڕێزیان بە مەبەستی چارەسەری، بە نیازە سەردانی دەرەوە بکات و پرۆسەی چارەسەریشی کاتی زیاتری پێویستە. لە بەر ئەو هۆیە بەڕێزیان بە ویستی خۆی، دەست لە کار کێشانەوەی ئاراستەی جەنابی سەرۆکی حکومەت کرد.
هه‌روه‌ها له‌به‌شێكی دیكه‌ی راگه‌یندراوه‌كه وتووه" بۆ ئەوەی ئامادەنەبوونی بەڕێز دکتۆر کەمال ئەتروشی کاریگەریی نەرێنی لەسەر کاروباری وەزارەت نەبێت، بەڕێز سەرۆکی حکومەت دەست لە کارکێشانەوەکەی پەسند کرد و بڕیاری داوە کە بەرێزیان وەک ڕاوێژکاری سەرۆکی حکومەت بۆ کاروباری وزە، بە پێی توانا و دۆخی تەندروستیی، لە خزمەت بەردەوام بێت. لە هەمان کاتدا بەڕێز کەمال محمد سالح وەزیری کارەبا راسپێردرا، بە وەکالەت کاروباری وەزارەتی سامانە سروشتیەکان بەڕێوە ببات.
